________________
३७४
पण्णवणासुत्ते तेवीसइमे कम्मपगडिपए बीउद्देसे [सु. १७०२ - सागरोवमसहस्सस्स दो सत्तभागा पलिओवमस्स असंखेजइभागेणं ऊणया, उक्कोसेणं वीसं सागरोवमकोडाकोडीओ; वीस य वाससताइं अबाहा० ।
[१२] आहारगसरीरणामाए जहण्णेणं अंतोसागरोवमकोडाकोडीओ, उक्कोसेण वि अंतोसागरोवमकोडाकोडीओ।
[१३] तेया-कम्मसरीरणामाए जहण्णेणं [सागरोवमस्स] दोण्णि सत्तभागा पलिओवमस्स असंखेज्जइभागणं ऊणया, उक्कोसेणं वीसं सागरोवमकोडाकोडीओ; वीस य वाससताइं अबाहा ।
[१४] ओरालिय-वेउब्बिय-आहारगसरीरंगोवंगणामाए तिण्णि वि एवं चेव । [१५] सरीरबंधणणामाए वि पंचण्ह वि एवं चेव ।
[१६] सरीरसंघायणामाए पंचण्ह वि जहा सरीरणामाए (सु. १७०२ [१०-१३]) कम्मस्स ठिति ति।
[१७] वइरोसभणारायसंघयणणामाए जहा रतिणामाए (सु. १७०० [१२])।
[१८] उसभणारायसंघयणणामाए पुच्छा । गोयमा ! जहण्णेणं सागरो१५ वमस्स छ पणतीसतिभागा पलिओवमस्स असंखेजइभागेणं ऊणगा, उक्कोसेणं बारस सागरोवमकोडाकोडीओ; बारस य वाससयाई अबाहा० ।
[१९] णारायसंघयणणामाए जहण्णणं सागरोवमस्स सत्त पणतीसतिभागा पलिओवमस्स असंखेजइभागेणं ऊणगा, उक्कोसेणं चोदस सागरोवमकोडाकोडीओ; चोद्दस य वाससताइं अबाहा।
[२०] अद्धणारायसंघयणणामस्स जहण्णेणं सागरोवमस्स अट्ठ पणतीसतिभागा पलिओवमस्स असंखेज्जइभागेणं ऊणगा, उक्कोसेणं सोलस सागरोवमकोडाकोडीओ; सोलस य वाससताइं अबाहा० ।
[२१] खीलियासंघयणे णं ० पुच्छा । गोयमा ! जहण्णेणं सागरोवमस्स णव पणतीसतिभागा पलिओवमस्स असंखेज्जइभागेणं ऊणगा, उक्कोसेणं अट्ठारस २५ सागरोवमकोडाकोडीओ; अट्ठारस य वाससयाइं अबाहा० ।
[२२] सेट्ठसंघयणणामस्स पुच्छा। गोयमा ! जहण्णेणं सागरोवमस्स दोण्णि सत्तभागा पलिओवमस्स असंखेजइभागेणं ऊणगा, उक्कोसेणं वीसं सागरोवमकोडाकोडीओ; वीस य वाससयाई अबाहा० ।
१. छेवट्ठ पु१ पु२ पु३ मु०॥
Jain Education International
For Private & Personal Use Only
www.jainelibrary.org
