________________
कम्मपयडीणं ठिपरूवणं ।
[ सुत्ताई १६९७ - १७०४. कम्मपयडीणं ठिइपरूवणं ]
१६९७. णाणावरणिज्जस्स णं भंते ! कम्मस्स केवतियं कालं ठिती पण्णत्ता ? गोयमा ! जहण्णेणं अंतोमुहुत्तं, उक्कोसेणं तीसं सागरोवमकोडाकोडीओ; तिण्ण य वाससहस्साइं अबाहा, अबाहूणिया कम्मठिती कम्मणिसेगो ।
१७०० ]
१६९८. [१] निद्दापंचयस्स णं भत्ते ! कम्मस्स केवतियं कालं ठिती ५ पण्णत्ता ? गोयमा ! जहणेणं सागरोवमस्स तिणि सत्तभागा पलिओवमस्स असंखेज्जइभागेणं ऊणया, उक्कोसेणं तीसं सागरोवमकोडाकोडीओ; तिण्णि य वाससहस्साइं अबाहा, अबाहूणिया कम्मठिती कम्मणिसेगो ।
[२] दंसणचउक्कस्स णं भंते ! कम्मस्स केवतियं कालं ठिती पण्णत्ता ? गोयमा ! जहण्णेणं अंतोमुहुत्तं, उक्कोसेणं तीसं सागरोवमकोडाकोडीओ; तिण्णि १० य वाससहस्साइं अबाहा० ।
१६९९. [१] सातावेयणिज्जस्स इरियावहियबंधगं पडुच्च अजहण्णमणुक्कोसेणं दो समया, संपराइयबंधगं पडुच्च जहणणेणं बारस मुहुत्ता, उक्कोसेणं पण्णरस सागरोवमकोडाकोडीओ; पण्णरस य वाससताई अबाहा० ।
३७१
[२] असायावेयणिज्जस्स जहणणेणं सागरोवमस्स तिणि सत्तभागा १५ पलिओवमस्स असंखेज्जइभागेणं ऊणगा, उक्कोसेणं तीसं सागरोवमकोडाकोडीओ; तिण्णि य वाससहस्साइं अबाहा० ।
१७०० [१] सम्मत्तवेयणिज्जस्स पुच्छा । गोयमा ! जहण्णेणं अंतोमुहुत्तं, उक्कोसेणं छावट्ठि सागरोवमाई साइरेगाई ।
[२] मिच्छत्तवेयणिज्जस्स जहणणेणं सागरोवमं पलिओवमस्स असंखेज्ज - इभागेणं ऊणगं, उक्कोसेणं सैत्तरिं कोडाकोडीओ; सत्त य वाससहस्साइं अबाहा, अबाहूणिया० ।
[३] सम्मामिच्छत्तवेदणिज्जस्स जहणणेणं अंतोमुहुत्तं, उक्कोसेण वि अंतोमुहुत्तं ।
[४] कसायबारसगस्स जहणणेणं सागरोवमस्स चत्तारि सत्तभागा २५ पलिओवमस्स असंखेज्जइभागेणं ऊणया, उक्कोसेणं चत्तालीसं सागरोवमकोडाकोडीओ; चत्तालीसं वाससताई अबाहा, जाव णिसेगो ।
१. ऊणिया म० मु० ॥ २. सित्तरिं जे० ध० ॥
Jain Education International
For Private & Personal Use Only
www.jainelibrary.org
