________________
३७०
पण्णवणासुत्ते तेवीसइमे कम्मपगडिपए बीउद्देसे [सु. १६९५ - णामे ३ अद्धणारायसंघयणणामे ४ खीलियासंघयणणामे ५ छेवट्ठसंघयणणामे ६।
[८] संठाणणामे णं भंते ! कतिविहे पण्णत्ते १ गोयमा ! छविहे पण्णत्ते । तं जहा-समचउरंससंठाणणामे १ णग्गोहपरिमंडलसंठाणणामे २ सातिसंठाणणामे ३ वामणसंठाणणामे ४ खुजसंठाणणामे ५ हुंडसंठाणणामे ६।।
[९] वण्णणामे णं भंते ! कम्मे कतिविहे पण्णते ? गोयमा ! पंचविहे पण्णत्ते । तं जहा-कालवण्णणामे जाव सुक्किलवण्णणामे ।
[१०] गंधणामे णं भंते ! कम्मे ० पुच्छा । गोयमा ! दुविहे पण्णत्ते । तं जहा-सुरभिगंधणामे १ दुरभिगंधणामे २।।
[११] रसणामे णं ० पुच्छा । गोयमा ! पंचविहे पण्णत्ते । तं जहा१० तित्तरसणामे जाव महुररसणामे।
[१२] फासणामे णं ० पुच्छा । गोयमा ! अट्टविहे पण्णत्ते । तं जहाकक्खडफासणामे जाव लुक्खफासणामे।
[१३] अगुरुलहुअणामे एगागारे पण्णते । [१४] उवघायणामे एगागारे पण्णत्ते । [१५] पराघायणामे एगागारे पण्णत्ते ।
[१६] आणुपुब्विणामे चउविहे पण्णत्ते। तं जहा-णेरइयाणुपुविणामे जाव देवाणुपुविणामे।
[१७] उस्सासणामे एगागारे पण्णत्ते ।
[१८] सेसाणि सव्वाणि एगागाराइं पण्णत्ताइं जाव तित्थगरणामे । २० णवरं विहायगतिणामे दुविहे पण्णत्ते । तं जहा-पसत्थविहायगतिणामे य अपसत्थविहायगतिणामे य।
१६९५. [१] गोए णं भंते ! कम्मे कतिविहे पण्णत्ते १ गोयमा ! दुविहे पण्णत्ते । तं जहा–उच्चागोए य णीयागोंए य।
[२] उच्चागोए णं भंते ! कम्मे कतिविहे पण्णत्ते १ गोयमा ! अट्ठविहे २५ पण्णत्ते । तं जहा-जाइविसिट्ठया जाव इस्सरियविसिट्ठया।।
[३] एवं णीयागोए वि । णवरं जातिविहीणया जाव इस्सरियविहीणया।
१६९६. अंतराइए णं भंते ! कम्मे कतिविहे पण्णते ? गोयमा ! पंचविहे पण्णत्ते । तं जहा-दाणंतराइए जाव वीरियंतराइए ।
१. कीलिया पु२ मु०॥
Jain Education International
For Private & Personal Use Only
www.jainelibrary.org
