________________
९९८] ८-११. पविठ्ठदाराइ दारचउकं।
२४५ णिजरापोग्गलाणं णो किंचि आणतं वा णाणत्तं वा ओमत्तं वा तुच्छत्तं वा गरुयत्तं वा लहयत्तं वा जाणति पासति, सेतेणद्वेणं गोयमा ! एवं वुच्चति छउमत्थे णं मणूसे तेसिं णिज्जरापोग्गलाणं णो किंचि आणतं वा णाणत्तं वा ओमत्तं वा तुच्छत्तं वा गरुयत्तं वा लहुयत्तं वा जाणइ पासति, सुहुमा णं ते पोग्गला पण्णत्ता समणाउसो !, सबलोगं पि य णं ते ओगाहित्तो चिट्ठति। _ [सुत्ताई ९९५-९९८. चउवीसदंडएसु ११ आहारदारं]
९९५. [१] णेरइया णं भंते ! ते णिज्जरापोग्गले किं जाणंति पासंति आहारेंति ? उदाह ण याणंति ण पासंति ण आहारेंति ? गोयमा ! णेरइया णं ते णिजरापोग्गले ण जाणंति ण पासंति, आहारेंति ।
[२] एवं जाव पंचेंदियतिरिक्खजोणियाँ ।
९९६. मणूसा णं भंते ! ते णिजरापोग्गले किं जाणंति पासंति आहारेंति ? उदाहु ण जाणंति ण पासंति ण आहारेंति ? गोयमा ! अत्थेगइया जाणंति पासंति आहारेंति, अत्थेगइया ण जाणंति ण पासंति आहारेंति । से केण?णं भंते! एवं वुच्चति अत्थेगइया जाणंति पासंति आहारेंति ? अत्थेगइया ण याणंति ण पासंति आहारेंति ? गोयमा ! मणूसा दुविहा पण्णत्ता। तं जहा-सण्णिभूया य असण्णिभूया १५ य । तत्थ णं जे ते असण्णिभूया ते णं ण जाणंति ण पासंति आहारेंति। तत्थ णं जे ते सण्णिभूया ते दुविहा पण्णत्ता, तं जहा-उवउत्ता य अणुवउत्ता य। तत्थ णं जे ते अणुवउत्ता ते णं ण याणंति ण पासंति आहारेंति, तत्थ णं जे ते उवउत्ता ते णं जाणेति पासेंति आहारेंति, से एएणद्वेणं गोयमा ! एवं वुच्चतिअत्थेगइया ण याणंति ण पासंति आहारेंति अत्थेगइया जाणंति पासंति आहारेंति। २०
९९७. वाणमंतर-जोइसिया जहा णेरइया (सु. ९९५ [१])।
९९८. वेमाणिया णं भंते ! ते णिज्जरापोग्गले किं जाणंति पासंति आहारेंति ? गोयमा ! जहा मणूसा (सु. ९९६)। णवरं वेमाणिया दुविहा [ग्रन्थानम् ४५००] पण्णत्ता। तं जहा-माइमिच्छद्दिट्ठिउववण्णगा य अमाइसम्मदिट्ठिउववण्णगा य। तत्थ णं जे ते माइमिच्छद्दिट्ठिउववन्नगा ते णं न याणंति २५ न पासंति आहारिति । तत्थ णं जे ते अमाइसम्मद्दिट्ठिउववन्नगा ते दुविहा पन्नत्ता, १. पासति, एवं सुहुमा म० प्र० पु२ ॥ २. °त्ता णं चिटुंति म० जे० पु२ ॥ ३. जोणिया णं । म० पु२ मु०॥ ४. सेएणटेणं जे० ध० म०॥ ५. गतिया याणंति पासंति माहारेंति अत्थेगतिया न जाणंति न पासंति आहारंति पु२॥ ६. मंतरा म० प्र०॥
Jain Education International
For Private & Personal Use Only
www.jainelibrary.org
