________________
२४४
१०
१५
पण्णवणासुत्ते पनरसमे इंदियपए पढमुद्दे से [ सुतं ९९१ ८ पविट्ठदारं ]
९९१. [१] पविट्ठाई भंते! सद्दाई सुणेइ ? अपविट्ठाई सद्दाई सुणेइ ? गोयमा ! पविट्ठाई सद्दाई सुणेति णो अपविट्ठाई सद्दाई सुणेति । [२] एवं जहा पुट्ठाणि तहा पविट्ठाणि वि ।
.
[ सुत्तं ९९२. ९ विसयदारं ]
९९२. [१] सोइंदियस्स णं भंते! केवतिए विसए पण्णत्ते ? गोयमा ! जहण्णेणं अंगुलस्स असंखेज्जतिभगाओ, उक्कोसेणं बारसहिं जोयणेहिंतो अच्छिण्णे पोग्गले पुढे पविट्ठाई सद्दाई सुणेति ।
[ सु. ९९१ -
[२] चक्खिदियस्स णं भंते! केवतिए विसए पण्णत्ते ? गोयमा ! जहणणेणं अंगुलस्स संखेज्जतिभाँगाओ, उक्कोसेणं सातिरेगाओ जोयणसयसहस्साओ अच्छिष्णे पोग्गले अपुट्ठे अपविट्ठाई रुवाई पासति ।
[३] घार्णिदियस्स पुच्छा । गोयमा ! जहण्णेणं अंगुलस्स असंखेज्जतिभौगातो, उक्कोसेणं णवहिं जोयणेहिंतो अच्छिण्णे पोग्गले पुट्ठे पविट्ठाई गंधाई अग्घाति । [४] एवं जिब्भिंदियस्स वि फासिंदियस्स वि ।
[ सुत्ताई ९९३ - ९९४. १० अणगारदारं ]
९९३. अणगारस्स णं भंते ! भाविअप्पणो मारणंतियसमुग्धाएणं समोहयस्स जे चरिमा णिज्जरापोग्गला सुहुमा णं ते पोग्गला पण्णत्ता समणाउसो ! ? सव्वलोगं पियणं ते ओगाहित्ता णं चिट्ठति ? हंता गोयमा ! अणगारस्स णं
भाविअप्पणो मारणंतियसमुग्धाएणं समोहयस्स जे चरिमा णिज्जरापोग्गला सुहुमा णं २० ते पोग्गला पण्णत्ता समणाउसो ! सव्वलोगं पि य णं ते ओगाहित्ता णं चिट्ठेति । ९९४. छउमत्थे णं भंते ! मणूसे तेसिं णिज्जरापोग्गलाणं किं आणतं वा णाणत्तं वा ओमत्तं वा तुच्छत्तं वा गरुयत्तं वा लहुयत्तं वा जाणइ पासइ ? गोयमा ! णो इणट्ठे समट्ठे । से केणणं भंते! एवं वुच्चति छउमत्थे णं मणूसे तेसिं णिज्जरापोग्गलाणं णो किंचि आणत्तं वा णाणत्तं वा ओमत्तं वा तुच्छत्तं वा गरुयत्तं २५ वा लहुयत्तं वा जाणति पासति ? गोयमा ! देवे वि य णं अत्थेगइए जे णं सिं
१, ३- ४. भागो, उ° ध० म० प्र० पु२ ॥ २. असंखेजति ध० म० प्र०, असाधुरयं पाठः ॥ ५. लाणं किंचि आणत्तं म० ॥
Jain Education International
For Private & Personal Use Only
www.jainelibrary.org
