________________
९९०] ७. पुटदारं।
२४३ पएसट्टयाए संखेजगुणे; ओगाहणपएसट्टयाए-सव्वत्थोवे बेइंदियस्स जिभिदिए
ओगाहणट्ठयाए, फासिंदिए ओगाहणट्ठयाए संखेजगुणे, फासेंदियस्स ओगाहणट्ठयाएहितो जिभिदिए पएसट्टयाए अणंतगुणे, फासिदिए पएसट्ठयाए संखेजगुणे ।
[३] बेइंदियाणं भंते ! जिभिदियस्स केवइया कक्खडगरुयगुणा पण्णत्ता ? गोयमा ! अणंता। एवं फासेंदियस्स वि। एवं मउयलहुयगुणा वि। ५
[४] एतेसि णं भंते ! बेइंदियाणं जिभिंदिय-फासेंदियाणं कक्खडगरुयगुणाणं मउयलहुयगुणाणं कक्खडगरुयगुण-मउयलहुयगुणाण य कतरे कतरेहिंतो अप्पा वा ४ ? गोयमा ! सव्वत्थोवा बेइंदियाणं जिभिदियस्स कक्खडगरुयगुणा, फासेंदियस्स कक्खडगरुयगुणा अणंतगुणा, फासेंदियस्स कक्खडगरुयगुणेहिंतो तस्स चेव मउयलहुयगुणा अणंतगुणा, जिभिदियस्स १० मउयलहुयगुणा अणंतगुणा।
[५] एवं जाव चउरिंदिय ति। णवरं इंदियपरिवुड्डी कायव्वा । तेइंदियाणं घाणेदिए थोवे, चउरिंदियाणं चक्खिदिए थोवे । सेसं तं चैव ।
९८८. पंचिंदियतिरिक्खजोणियाणं मणूसाण य जहा णेरइयाणं (सु. ९८३)। णवरं फासिदिए छव्विहसंठाणसंठिए पण्णत्ते । तं जहा-समचउरंसे १ १५ णग्गोहपरिमंडले २ साती ३ खुजे ४ वामणे ५ हुंडे ६।
९८९. वाणमंतर-जोइसिय-वेमाणियाणं जहा असुरकुमाराणं (सु. ९८४)।
[सुत्तं ९९०. ७ पुट्ठदारं] ९९०. [१] पुट्ठाइं भंते ! सद्दाइं सुणेइ ? अपुट्ठाई सद्दाइं सुणेइ ? २० गोयमा ! पुट्ठाइं सद्दाई सुणेइ, नो अपुट्ठाई सद्दाइं सुणेइ। .
[२] पुट्ठाई भंते ! रूवाई पासति ? अपुट्ठाई रूवाइं पासइ ? गोयमा ! णो पुट्ठाई रूवाइं पासइ, अपुट्ठाई रूवाइं पासति ।
[३] पुट्ठाई भते ! गंधाइं अग्घाति ? अपुट्ठाई गंधाई अग्घाति ? गोयमा ! पुट्ठाई गंधाइं अग्धाइ, णो अपुट्ठाइं गंधाइं अग्घाति ।
[४] एवं रसाणवि फासाणवि । णवरं रसाइं अस्साएइ फासाइं पडिसंवेदेति त्ति अभिलावो कायव्यो ।
।
१. रसाणि + अवि = रसाणवि, फासाणि + अवि = फासाणवि ॥
Jain Education International
For Private & Personal Use Only
www.jainelibrary.org
