________________
२४२
पण्णवणासुत्ते पनरसमे इंदियपए पढमुद्देसे [सु. ९८६[५] पुढविकाइयाणं भंते ! फासिदिए कतिपएसिए पण्णत्ते १ गोयमा ! अणंतपएसिए पण्णत्ते।
[६] पुढविकाइयाणं भंते ! फासिंदिए कतिपएसोगाढे पण्णत्ते ? गोयमा ! असंखजपएसोगाढे पण्णत्ते।
[७] एतेसि णं भंते ! पुढविकाइयाणं फासिंदियस्स ओगाहण-पएसट्ठयाए कतरे कतरेहितो अप्पा वा बहुया वा तुल्ला वा विसेसाहिया वा ? गोयमा ! सव्वत्थोवे पुढविकाइयाणं फासिदिए ओगाहणट्टयाए, से चेव पएसट्टयाए अणंतगुणे।
[८] पुढविकाइयाणं भंते ! फासिंदियस्स केवतिया कक्खडगरुयगुणा १० पण्णत्ता ? गोयमा ! अणंता। एवं मउयलहुयगुणा वि।।
[९] एतेसि णं भंते ! पुढविकाइयाणं फासेंदियस्स कक्खडगरुयगुणमउयलहुयगुणाणं कतरे कतरेहिंतो अप्पा वा बहुया वा तुल्ला वा विसेसाहिया वा ? गोयमा ! सव्वत्थोवा पुढविकाइयाणं फासेंदियस्स कक्खडगरुयगुणा, तस्स चेव मउयलहुयगुणा अणंतगुणा ।
९८६. एवं आउक्काइयाण वि जाव वणप्फइकाइयाणं। णवरं संठाणे इमो विसेसो दैव्यो-आउक्काइयाणं थिबुगबिंदुसंठाणसंठिएँ पण्णत्ते, तेउक्काइयाणं सूयीकलावसंठाणसंठिए पण्णत्ते, वाउक्काइयाणं पडागासंठाणसंठिए पण्णत्ते, वणप्फइकाइयाणं णाणासंठाणसंठिएं पण्णत्ते।।
९८७. [१] बेइंदियाणं भंते ! कति इंदिया पण्णत्ता ? गोयमा ! दो २० इंदिया पण्णत्ता। तं जहा-जिभिदिए य फासिदिए य। दोण्हं पि इंदियाणं
संठाणं बाहलं पोहत्तं पदेसा ओगाहणा य जहा ओहियाणं भणिया (सु. ९७४९७८) तहा भाणियव्वा । णवरं फासेंदिए हुंडसंठाणसंठिए पण्णत्ते ति इमो विसेसो।
[२] एतेसि णं भंते ! बेइंदियाणं जिभिदिय-फासेंदियाणं ओगाहणट्ठयाए पएसट्टयाए ओगाहणपएसट्टयाए कतरे कतरेहितो अप्पा वा ४ ? गोयमा ! सव्वत्थोवे बेइंदियाणं जिभिदिए ओगाहणट्टयाए, फासेंदिए ओगाहणट्ठयाए संखेजगुणे; पएसट्टयाए-सव्वत्थोवे बेइंदियाणं जिभिदिए पएसट्ठयाए, फासेंदिए
१. हणट्टयाए पएसट्टयाए ओगाहणपएसट्टयाए कतरे मुद्रिते ॥ २. गुणाणं मउयलहुयगुणाण कतरे मुद्रिते। ३. वत्तव्यो प्र०॥ ४-५. °ए संठाणेणं पण्णत्ते ध० ॥ ६. °ण?पएस जे० ध०॥
Jain Education International
For Private & Personal Use Only
www.jainelibrary.org
