________________
१३. तेरसमं परिणामपयं
[सुत्तं ९२५. परिणामभेयपरूवणा] ९२५. कतिविहे णं भंते ! परिणामे पण्णत्ते ? गोयमा ! दुविहे परिणामे पण्णत्ते । तं जहा-जीवपरिणामे य अजीवपरिणामे य ।
[सुत्ताई ९२६-९४६. जीवपरिणामपरूबणा] ९२६. जीवपरिणामे णं भंते ! कतिविहे पण्णत्ते ? गोयमा ! दसविहे पण्णत्ते । तं जहा-गतिपरिणामे १ इंदियपरिणामे २ कसायपरिणामे ३ लेसापरिणामे ४ जोगपरिणामे ५ उवओगपरिणामे ६ णाणपरिणामे ७ दंसणपरिणामे ८ चरित्तपरिणामे ९ वेदपरिणामे १०।।
९२७. गतिपरिणामे णं भंते ! कतिविहे पण्णत्ते ? गोयमा ! चउविहे १० पण्णते। तं जहा-णिरयगतिपरिणामे १ तिरियगतिपरिणामे २ मणुयगतिपरिणामे ३ देवगतिपरिणामे ४ ।
९२८. इंदियपरिणामे णं भंते ! कतिविहे पण्णत्ते १ गोयमा ! पंचविहे पण्णत्ते। तं जहा-सोइंदियपरिणामे १ चक्खिदियपरिणामे २ घाणिदियपरिणामे ३ जिभिदियपरिणामे ४ फासिंदियपरिणामे ५।
९२९. कसायपरिणामे णं भंते ! कतिविहे पण्णत्ते ? गोयमा ! चउविहे पण्णत्ते । तं जहा–कोहकसायपरिणामे १ माणकसायपरिणामे २ मायाकसायपरिणामे ३ लोभकसायपरिणामे ४ ।
९३०. लेस्सापरिणामे णं भंते ! कतिविहे पण्णत्ते ? गोयमा ! छविहे पण्णत्ते। तं जहा-कण्हलेस्सापरिणामे १ णीललेस्सापरिणामे २ काउलेस्सा- २० परिणामे ३ तेउलेस्सापरिणामे ४ पम्हलेस्सापरिणामे ५ सुक्कलेस्सापरिणाम ६।
९३१. जोगपरिणामे णं भंते ! कतिविहे पण्णत्ते ? गोयमा ! तिविहे पण्णत्ते। तं जहा-मणजोगपरिणाम १ वेइजोगपरिणामे २ कायजोगपरिणामे ३ ।
९३२. उवओगपरिणामे णं भंते! कतिविहे पण्णते? गोयमा ! दुविहे पण्णत्ते । तं जहा-सागारोवओगपरिणामे य अणागारोवओगपरिणामे य। २५
१. चदुविधे ध०॥
२. वयजोग' पु२ ॥
Jain Education International
For Private & Personal Use Only
www.jainelibrary.org
