________________
पण्णवणासुत्ते बिइए ठाणपए
[सु. २११पण्णत्ता । ईसीपब्भाराए णं पुढवीए बहुमज्झदेसभाए अट्ठजोयणिए खेते अट्ठ जोयणाइं बाहल्लेणं पण्णत्ते, तंतो अणंतरं च णं माताए माताए पएसपरिहाणीए परिहायमाणी परिहायमाणी सव्वेसु चरिमंतेसु मच्छियपत्तातो तणुयरी अंगुलस्स
असंखेजतिभागं बाहलेणं पण्णत्ता । ईसीपब्भाराए णं पुढवीए दुवालस नामधिज्जा ५ पण्णत्ता । तं जहा-ईसी ति वा १ ईसीपब्भारा इ वा २ तणू ति वा ३ तणुतणू
ति वा ४ सिद्धी ति वा ५ सिद्धालए ति वा ६ मुत्ती इ वा ७ मुत्तालए ति वा ८ लोयग्गे इ वा ९ लोयग्गथूभिया ति वा १० लोयग्गपडिवुज्झणा इ वा ११ सव्वपाण-भूत-जीव-सत्तसुहावहा इ वा १२ । ईसीपब्भारा णं पुढवी सेता संखंदलविमलसोत्थिय-मुणाल-दगरय-तुसार-गोक्खीर-हारवण्णा उत्ताणयछत्तसंठाणसंठिता सव्वज्जुणसुवण्णमती अच्छा सण्हा लण्हा घट्ठा मट्ठा नीरया निम्मला निप्पंका निकंकडच्छाया सप्पभा सस्सिरीया सउज्जोता पासातीता दरसणिज्जा आभिरूवा पडिरूवा। ईसीपब्भाराए णं सीताए जोयमम्मि लोगंतो। तस्स णं जोयणस्स जे से उवरिल्ले गाउए तस्स णं गाउयस्स जे से उवरिले छन्भागे एत्थ
णं सिद्धा भगवंतो सादीया अपज्जवसिता अणेगजाति-जरा-मरण-जोणिसंसारकलं१५ कलीभाव-पुणब्भवगब्भवासवसहीपवंचसमतिकंता सासयमणागतद्धं कालं चिट्ठति ।
तत्थ वि य ते अवेदा अवेदणा निम्ममा असंगा य । संसारविप्पमुक्का पदेसनिव्वत्तसंठाणा ॥१५८॥ कहिं पडिहता सिद्धा ? कहिं सिद्धा पइट्ठिता है। कहिं बोदिं चइत्ता णं ? कहिं गंतूण सिज्झई ? ॥१५९॥ अलोए पडिहता सिद्धा, लोयग्गे य पइट्ठिया। इहं बोदिं चाइत्ता णं तत्थ गंतूण सिज्झई ॥१६०॥ दीहं वा हस्सं वा जं चरिमभवे हवेज संठाणं। तत्तो तिभागहीणा सिद्धाणोगाहणा भणिया ॥१६१॥ जं संठाणं तु इहं भवं चयंतस्स चरिमसमयम्मि। आसी य पदेसघणं तं संठाणं तहिं तस्स ॥१६२॥ तिण्णि सया तेत्तीसा धणुत्तिभागो य होति बोधव्यो । एसा खलु सिद्धाणं उक्कोसोगाहणा भणिया ॥१६३ ॥
१. तयाणंतरं ध० ॥ २. संखतल° ध० म०प्र० ॥ ३. गब्भवसही एतदनुसारेण मलयटीका ॥४. कत्थ गंतूण ध० म०प्र० पु२ ॥ ५. णायब्वोध० विना॥
Jain Education International
For Private & Personal Use Only
www.jainelibrary.org
