________________
२११]
१०
सिद्धठाणाई। चत्तारि य रयणीओ रयणितिभागूणिया य बोद्धव्वा । एसा खलु सिद्धाणं मज्झिम ओगाहणा भणिया॥१६४॥ एगा य होइ रयणी अट्ठेव य अंगुलाई साहीया। एसा खलु सिद्धाणं जहण्ण ओगाहणा भणिता ॥१६५॥ ओगाहणाए सिद्धा भवत्तिभागेण हति परिहीणा। संठाणमणित्थंथं [ग्रन्थाग्रम् १५००] जरा-मरणविप्पमुक्काणं ॥१६६॥ जत्थ य एगो सिद्धो तत्थ अणंता भवक्खयविमुक्का । अण्णोण्णसमोगाढा पुट्ठा सव्वे वि लोयंते ॥१६७॥ फुसइ अणते सिद्धे सव्वपएसेहिं नियमसो सिद्धो। ते वि असंखेजगुणा देस-पदेसेहिं जे पुट्ठा ॥१६८॥ असरीरा जीवघणा उवउत्ता दसणे य नाणे य। सागारमणागारं लक्खणमेयं तु सिद्धाणं ॥१६९॥ केवलणाणुवउत्ता जाणंती सव्वभावगुण-भावे । पासंति सव्वतो खलु केवलदिट्ठीहऽणंताहिं ॥१७० ॥ न वि अत्थि मौणुसाणं तं सोक्खं न वि य सव्वदेवाणं । जं सिद्धाणं सोक्खं अव्वाबाहं उवगयाणं ॥१७१॥ सुरगणसुहं समत्तं सव्वद्धापिंडितं अणंतगुणं । ण वि पावे मुत्तिसुहं णंताहिं वि वग्गवग्गूहि ॥ १७२॥ सिद्धस्स सुहो रासी सव्वद्धापिंडितो जइ हवेजा। सोऽणंतवग्गभइतो सव्वागासे ण माएज्जा ॥ १७३॥ जह णाम कोइ मेच्छो णगरगुणे बहुविहे वियाणंतो। न चएइ परिकहेउं उवमाए तहिं असंतीए ॥१७४॥ इय सिद्धाणं सोक्खं अणोवम, णत्थि तस्स ओवम्म । 'किंचि विसेसेणेत्तो सारिक्खमिणं सुणह वोच्छं ॥ १७५ ॥ जह सव्वकामगुणितं पुरिसो भोत्तूण भोयणं कोइ । तण्हा-छुहाविमुक्को अच्छेन्ज जहा अमियतित्तो ॥१७६ ॥ इय सव्वकालतित्ता अतुलं जेव्वाणमुवगया सिद्धा।
१. केवलदिहिहि गंताहिं पु२ ।। २. मणुस्साणं ध० ॥ ३. किंच म० ॥ ४. भउलं निव्वाणपुरगया ध० ॥
Jain Education International
For Private & Personal Use Only
www.jainelibrary.org
