________________
GO
२११]
सिद्धठाणाई। देवाणं तओ गेविजगविमाणपत्थडा पण्णता पाईण-पडीणायता सेसं जहा हेट्ठिमगेविजगाणं (सु. २०७), नवरं एगे विमाणावाससते भवंतीति मक्खातं । सेसं तहेव भाणियव्वं (सु. २०७) जाव अहमिंदा णामं ते देवगणा पण्णत्ता समणाउसो ! ।
एक्कारसुत्तरं हेट्टिमेसु सत्तुत्तरं च मज्झिमए। सयमेगं उवरिमए पंचेव अणुत्तरविमाणा ॥ १५७॥
२१०. कहि णं भंते! अणुत्तरोववाइयाणं देवाणं पज्जत्ताऽपज्जत्ताणं ठाणा पण्णता ? कहि णं भंते ! अणुत्तरोववाइया देवा परिवसंति ? गोयमा ! इमीसे रयणप्पभाए पुढवीए बहुसमरमणिज्जाओ भूमिभागाओ उडूं चंदिम-सूरिय-गह-नक्खत्त-तारारूवाणं बहूई जोयणसयाइं बहूई जोयणसहस्साई बहूई जोयणसतसहस्साई बहुगीओ जोयणकोडीओ बहुगीओ जोयणकोडाकोडीओ उडू दूरं उप्पइत्ता १० सोहम्मीसाण-सणंकुमार-माहिंद-बंभलोय-लंतग-सुक्क-सहस्सार-आणय-पाणय-आरणअच्चुयकप्पा तिण्णि य अट्ठारसुत्तरे गेविजविमाणावाससते वीतीवतित्ता तेण परं दूरं गता णीरया निम्मला वितिमिरा विसुद्धा पंचदिसिं पंच अणुत्तरा महतिमहालयां विमाणा पण्णत्ता। तं जहा-विजये १ वेजयंते २ जयंते ३ अपराजिते ४ सव्वट्ठसिद्धे ५। ते णं विमाणा सव्वरयणामया अच्छा सण्हा लण्हा घट्टा मट्टा नीरया निम्मला १५ निप्पंका निकंकडच्छाया सप्पभा सस्सिरीया सउज्जोया पासाईया दरसाणज्जा अभिरूवा पडिरूवा, अत्थ णं अणुत्तरोववाइयाणं देवाणं पज्जत्ताऽपज्जत्ताणं ठाणा पण्णत्ता । तिसु वि लोगस्स असंखेजतिभागे। तत्थ णं बहवे अणुत्तरोववाइया देवा परिवसति सव्वे समिड्रिया सव्वे समबला सव्वे समाणुभावा महासोक्खा अणिंदा अपेस्सा अपुरोहिता अहमिंदा णामं ते देवगणा पण्णता समणाउसो !। २०
[सुत्तं २११. सिद्धठाणाई] २११. कहि णं भंते ! सिद्धाणं ठाणा पण्णत्ता ? कहि णं भंते ! सिद्धा परिवसंति १ गोयमा ! सव्वट्ठसिद्धस्स महाविमाणस्स उवरिल्लाओ Vभियग्गाओ दुवालस जोयणे उड़ें अबाहाए एत्थ णं ईसीपभारा णामं पुढवी पण्णत्ता, पणतालीसं जोयणसतसहस्साणि आयाम-विक्खंभेणं एगा जोयणकोडी बायालीसं च सतसहस्साई तीसं च सहस्साइं दोण्णि य अउणापण्णे जोयणसते किंचि विसेसाहिए परिक्खेवेणं
१. गहगण-न प्र० पु२ मु० ॥ २. °या महाविमाणा ध० म० प्र० पु२ ॥ ३. समिद्धितीया ध० प्र० । समड़ितीया पु२ ॥ ४. थूभियाओ ध० ॥ ५. ईसिपभारा जे०॥
Jain Education International
For Private & Personal Use Only
www.jainelibrary.org
