________________
१९९]
वेमाणियदेवठाणाई |
तावत्तसाए तावत्तीसगाणं चउन्हं लोगपालाणं अट्ठण्हं अग्गमहिसीणं सपरिवाराणं तिन्हं परिमाणं सत्तण्हं अणियाणं सत्तण्हं अणियाधिवतीणं चउन्हं चउरासीईणं आयरक्खदेवसाहस्सीणं अण्णेसिं च बहूणं सोहम्मगकप्पवासीणं वेमाणियाणं देवाण य देवीण य आहेवच्चं पोरेवच्चं कुव्त्रमाणे जाव (सु. १९६) विहरइ ।
१९८. [१] कहि णं भंते ! ईसाणगदेवाणं पज्जत्ताsपज्जत्ताणं ठाणा पण्णत्ता ? कहि णं भंते ! ईसाणगदेवा परिवसंति ? गोयमा ! जंबुद्दीवे दीवे मंदरस्स पव्वतस्स उत्तरेणं इमीसे रयणप्पभाए पुढवीए बहुसमरमणिजाओ भूमिभागाओ उडूं चंदिम-सूरिय-गहगण-णक्खत्त-तारारूवाणं बहूइं जोयणसताइं बहूइं जोयणसहस्साइं जाव (सु. १९७ [१]) उप्पइत्ता एत्थ णं ईसाणे णामं कप्पे पण्णत्ते पाईण-पडीणायते उदीण - दाहिणविच्छिण्णे एवं जहा सोहम्मे (सु. १९७ [१]) १० जाव पडिवे । तत्थ णं ईसाणगदेवाणं अट्ठावीसं विमाणावाससतसहस्सा हवंतीति मक्खातं । ते णं विमाणा सव्वरयणामया जाव पडिरूवा । तेसि णं बहुमज्झदेसभाए पंच वडेंसगा पण्णत्ता, तं जहा - अंकवडेंसए १ फलिहवडेंसए २ रतणवडेंसए ३ जातरूववडेंसए ४ मज्झे एत्थे ईसाणवडेंस ५ । ते णं वडेंसया सव्वरयणामया जाव (सु. १९६) पडिवा । एत्थ णं ईसाणाणं देवाणं पज्जत्ताऽपज्जत्ताणं ठाणा १५ पण्णत्ता । तिसु वि लोगस्स असंखेज्जतिभागे । सेसं जहा सोहम्मगदेवाणं जाव (सु. १९७ [१]) विहरति ।
[२] ईसा यत्थ देविंदे देवराया परिवसति सूलपाणी वसभवाहणे उत्तरढलोगाधिवती अट्ठावीसविमाणावाससतसंहस्साधिवती अरयंबरवत्थधरे सेसं जहा सक्कस्स (सु. १९७[२]) जाव पभासेमाणे । से णं तत्थ अट्ठावीसाए विमाणा- २० वाससतसहस्साणं असीतीए सामाणियसाहस्सीणं तावत्तीसाए तावत्तीसगाणं चउन्हं लोगपालाणं अट्ठण्हं अग्गमहिसीणं सपरिवाराणं तिन्हं परिसाणं सत्तण्हं अणियाणं सत्तण्हं अणियाधिवतीणं चउन्हं असीतीणं आयरक्खदेवसाहस्सीणं अण्णेसिं च बहूणं ईसाणकप्पवासीणं वेमाणियाणं देवाण य देवीण य आहेवचं पोरेवचं कुव्वमाणे जाव (सु. १९६) विहरति ।
१९९. [१] कहि णं भंते! सणकुमारदेवाणं पज्जत्ताऽपज्जत्ताणं ठाणा पण्णत्ता ? कहि णं भंते! सणकुमारा देवा परिवसंति ? गोयमा ! सोहम्मस्स कप्पस्स
१. पायीण म० प्र० ॥ २. तत्थ ध० । यत्थ म० प्र० पु२ ॥
Jain Education International
७१
For Private & Personal Use Only
२५
www.jainelibrary.org
