________________
७०
पणवणासुते बिइए ठाणपए
[सु. १९७आणाईसरसेणावचं कारेमाणा पालेमाणा महताऽहतनट्ट-गीय - वाइततंती - तलताल-तुडित-घणमुइंगपडुप्पवाइतरवेणं दिव्वाइं भोगभोगाई भुंजमाणा विहरंति ।
१९७. [१] कहि णं भंते ! सोहम्मगदेवाणं पज्जत्ताऽपज्जत्ताणं ठाणा पण्णत्ता ? कहि णं भंते ! सोहम्मगदेवा परिवसंति ? गोयमा ! जंबुद्दीवे दीवे ५ मंदरस्स पव्वतस्स दाहिणेणं इमीसे रयणप्पभाए पुढवीए बहुसमरमणिज्जाओ भूमिभागाओ उडूं चंदिम-सूरिय - गंह - नक्खत्ततारारूवाणं बहूणि जोयणसताणि बहूई जोयणसहस्साइं बहूई जोयणसतसहस्साइं बहुगीओ जोयणकोडीओ बहुगीओ जोयणकोडाकोडीओ उड्डुं दूरं उप्पइत्ता एत्थ णं सोहम्मे णामं कप्पे पण्णत्ते पाईण-पडीणायते उदीण - दाहिणवित्थिण्णे अद्धचंदसंठाणसंठिते अच्चिमालि१० भासरासिवण्णाभे असंखेज्जाओ जोयणकोडीओ असंखेज्जाओ जोयणकोडाकोडीओ आयाम-विक्खंभेणं, असंखेज्जाओ जोयणकोडाकोडीओ परिक्खेवेणं, सव्वरयणामए अच्छे जाव (सु. १९६ ) पडिवे । तत्थ णं सोहम्मगदेवाणं बत्तीसं विमाणावाससतसहस्सा हवंतीति मक्खातं । ते णं विमाणा सव्वरयणामया अच्छा जाव (सु. १९६) पडिरूवा । तेसि णं विमाणाणं बहुमज्झदेसभागे पंच वडेंसया १५ पण्णत्ता । तं जहा - असोग वडेंसए १ सत्तिवण्णवडेंसए २ चंपगवडेंसए ३ चूयवडेंसए ४ मझे यथ सोहम्मवडेंसए ५ । ते णं वडेंसया सव्वरयणामया अच्छा जाव (सु. १९६) पडिरूवा । एत्थ णं सोहम्मगदेवाणं पज्जत्ताऽपज्जत्ताणं ठाणा पण्णत्ता । तीसु वि लोगस्स असंखेज्जइभागे । तत्थ णं बहवे सोहम्मगदेवा परिवसंति महिड्डीया जाव (सु. १९६) पभासेमाणा । ते णं तत्थ साणं साणं विमाणावाससतसहस्साणं २० साणं साणं सामाणियसाहस्सीणं एवं जहेव ओहियाणं (सु. १९६) तहेव एतेसिं पि भाणितव्वं जाव आयरक्खदेवसाहस्सीणं अण्णेसिं च बहूणं सोहम्मगकप्पवासीणं वेमाणिर्यौणं देवाण य देवीण य आहेवच्चं पोरेवच्चं जाव (सु. १९६) विहरंति ।
[२] सक्के यऽत्थ देविंदे देवराया परिवसति वज्जपाणी पुरंदरे सतक्कतू सहस्सक्खे मघवं पागसासणे दाहिणडूलोगाधिवती बत्तीसविमाणावाससतसहस्सा२५ धिवती एरावणवाहणे सुरिंदे अरयंबरवत्थधरे आलइयमाल-मउडे णवहेमचारुचित्तचंचलकुंडलविलिहिज्जमाणगंडे महिड्डिए जाव (सु. १९६) पभासेमाणे । से णं तत्थ बत्तीसार विमाणावाससतसहस्साणं चउरासीए सामाणियसाहस्सीणं
९. गगण - नक्ख ६० म० पु२ ॥ २. तारगरु ध० ॥ ३. विच्छिणे ५१ पु ३ विना ॥ ४. णियदेवाणं देवीण ध० म० ॥
Jain Education International
For Private & Personal Use Only
www.jainelibrary.org
