________________
७२
पण्णवणासुत्ते बिइए ठाणपए
[सु. २००उप्पि संपक्खि सपडिदिसिं बहूइं जोयणाई बहूइं जोयणसताइं बहूई जोयणसहस्साई बहूई जोयणसतसहस्साइं बहुगीओ जोयणकोडीओ बहुगीओ जोयणकोडाकोडीओ उडूं दूरं उप्पइत्ता एत्थ णं सणंकुमारे णामं कप्पे पाईण-पडीणायते उदीण-दाहिण
विच्छिण्णे जहा सोहम्मे (सु.१९७ [१]) जाव पडिरूवे । एत्थ णं सणंकुमाराणं देवाणं ५ बारस विमाणावाससतसहस्सा भवंतीति मक्खातं । ते णं विमाणा सव्वरयणामया
जाव (सु. १९६) पडिरूवा। तेसि णं विमाणाणं बहुमज्झदेसभागे पंच वडेंसगा पण्णता । तं जहा-असोगवडेंसए १ सत्तिवण्णवडेंसए २ चपगवडेंसए ३ चूयवर्डसए ४ मज्झे यऽत्थ सणकुमारवडेंसए ५ ते णं वडेंसया सव्वरयणामया अच्छा जाव
(सु. १९६) पडिरूवा। एत्थ णं सणंकुमारदेवाणं पज्जत्ताऽपज्जत्ताणं ठाणा पण्णत्ता। १० तिसु वि लोगस्स असंखेज्जइभागे । तत्थ णं बहवे सणंकुमारा देवा परिवसंति महिडिया जाव (सु. १९६) पभासेमाणा विहरंति। णवरं अग्गमहिसीओ णत्थि ।
[२] सणंकुमारे यऽत्थ देविंदे देवराया परिवसति, अरयंबरवत्थधरे सेसं जहा सक्कस्स (सु. १९७ [२])। से णं तत्थ बारसण्हं विमाणावाससतसहस्साणं
बावत्तरीए सामाणियसाहस्सीणं सेसं जहा सक्कस्स (सु.१९७[२]) अग्गमहिसीवजं । १५ णवरं चउण्हं बावत्तरीणं आयरक्खदेवसाहस्सीणं जाव (सु. १९६) विहरइ ।
२००. [१] कहि णं भंते ! माँहिंदाणं देवाणं पजत्ताऽपज्जत्ताणं ठाणा पण्णत्ता ? कहि णं भंते ! माहिंदगदेवा परिवसंति ? गोयमा ! ईसाणस्स कप्पस्स उप्पिं सपक्खि सपडिदिसिं बहूई जोयणाई जाव (सु. १९९ [१]) बहुगीओ जोयणकोडाकोडीओ उडू दूरं उप्पइत्ता एत्थ णं माहिंदे णामं कप्पे पायीण-पडीणायए एवं जहेव सणंकुमारे (सु. १९९ [१]), णवरं अट्ठ विमाणावाससतसहस्सा । वडेंसया जहा ईसाणे (सु. १९८ [१]), णवरं मज्झे यऽत्थ माहिंदवडेंसए । एवं सेसं जहा सणंकुमारगदेवाणं (सु. १९६) जाव विहरति ।
[२] माहिंदे यऽत्थ देविंदे देवराया परिवसति अरयंबरवत्थधरे, एवं जहा सणंकुमारे (सु. १९९ [२]) जाव विहरति । णवरं अट्ठण्हं विमाणा२५ वाससतसहस्साणं सत्तरीए सामाणियसाहस्सीणं चउण्हं सत्तरीणं आयरक्खदे
वसाहस्सीणं जाव (सु. १९६) विहरइ।
१. उवरि सप म०॥ २. सपक्खपडि जे० म० ॥ ३. °स्सीए सेसं ध० ॥ ४. माहिंददेवाणं ध० म० प्र० मु ॥ ५. उ९ जेः ॥ ६. रक्वदेवाणं जाव ध० । रक्ख, जाव म० । रक्खाणं जाव जे न०॥
Jain Education International
For Private & Personal Use Only
www.jainelibrary.org
