________________
१९५]
जोइसियदेवठाणाई। काले य महाकाले १ सुरूव पडिरूव २ पुण्णभद्दे य । अमरवइ माणिभद्दे ३ भीमे य तहा महाभीमे ४ ॥ १४९॥ किण्णर किंपुरिसे खलु ५ सप्पुरिसे खलु तहा महापुरिसे ६ ।
अइकाय महाकाए ७ गीयरई चेव गीतजसे ८ ॥ १५० ॥
१९३. [१] कहि णं भंते ! अणवन्नियाणं देवाणं [पजत्ताऽपज्जत्ताणं] ५ ठाणा पण्णत्ता ? कहि णं भंते ! अणवणिया देवा परिवसंति ? गोयमा ! इमीसे रयणप्पभाए पुढवीए रयणामयस्स कंडस्स जोयणसहस्सबाहलस्स उवरि हेट्टा य एगं जोयणसयं वज्जेत्ता मज्झे अट्ठसु जोयणसतेसु, एत्थ णं अणवण्णियाणं देवाणं तिरियमसंखेज्जा णगरावाससयसहस्सा भवंतीति मक्खातं । तेणं जाव (सु.१८८) पडिरूवा। एत्थ णं अणवण्णियाणं देवाणं ठाणा। उववाएणं लोयस्स असंखेज्जइभागे, समुग्घाएणं १० लोयस्स असंखेजइभागे, सट्ठाणेणं लोयस्स असंखेज्जइभागे । तत्थ णं बहवे अणवन्निया देवा परिवसंति महड्रिया जहा पिसाया (सु.१८९[१]) जाव विहरंति ।
[२] सन्निहिय-सामाणा यऽत्थ दुवे अणवण्णिदा अणवणिंयकुमाररायाणो परिवसंति महिड्डीया जहा काल महाकाला (सु.१८९[२])।
१९४. एवं जहा काल-महाकालाणं दोण्हं पि दाहिणिलाणं उत्तरिलाण १५ य भणिया (सु.१९०[२],१९१[२]) तहा सन्निहिय-सामाणा[ई]णं पि भाणियवा। संगहणिगाहा
अणवन्निय १ पणवन्निय २ इसिवाइय ३ भूयवाइया चेव ४। कंद ५ महाकंदिय ६ कुहंडे ७ पययदेवा ८ इमे इंदा ॥१५१॥ सण्णिहिया सामाणा १ धाय विधाए २ इसी य इसिपाले ३। ईसर महेसरे या ४ हवइ सुवच्छे विसाले य ५॥ १५२॥ हासे हासरई वि य ६ सेते य तहा भवे महासेते ७। पयते पययपई वि य ८ नेयव्वा आणुपुवीए ॥ १५३॥
[सुत्तं १९५. जोइसियदेवठाणाई] १९५. [१] कहि णं भंते !. जोइसियाणं देवाणं पजत्ताऽपजत्ताणं २५ ठाणा पण्णत्ता ? कहि णं भंते ! जोइसिया देवा परिवसंति ? गोयमा ! इमीसे
1.णियरायाणो जे० ॥ २. पवयं जे० ॥ ३. हस्से जे० ॥ ४. पयते य पययपयते नेयव्वा म० प्र० ॥ ५. नायच्या पु२॥
Jain Education International
For Private & Personal Use Only
www.jainelibrary.org
