________________
पण्णवणासुत्ते बिइए ठाणपए
[सु. १९६
रतणप्पभाए पुढवीए बहुसमरमणिजाओ भूमिभागाओ सत्ताणउते जोयणसते उड्ड उप्पइत्ता दसुत्तरे जोयणसतबाहल्ले तिरियमसंखेज्जे जोतिसविसये, एत्थ णं जोइसियाणं देवाणं तिरियमसंखेज्जा जोइसियविमाणावाससतसहस्सा भवतीति मक्खातं । ते णं विमाणा अकविट्ठगसंठाणसंठिता सव्वफालियामया अब्भुग्गय५ मूसियपहसिया इव विविहमणि - कणग - रतणभत्तिचित्ता वाउद्भुतविजयवेजयंतीपडाग - छत्ताइछत्तकलिया तुंगा गगणतंलमणुलिहमाणसिहरा जालंतररतण-पंजरुम्मिलिय व्व मणि-कणगथूभियागा वियसिय सयवत्तपुंडरीया (य-)तिलय-रयणद्धचंदचित्ता णाणामणिमयदामालंकिया अंतो बहिं च सण्हा तवणिज्जरुइलवालुयापैत्थडा सुहफासा सस्सिरीया सुरूवा पासाईया दरसणिज्जा अभिरुवा पडिरूवा । एत्थ णं १० जोइसियाणं देवाणं पत्ताsपज्जत्ताणं ठाणा पण्णत्ता । तिसु वि लोगस्स असंखिज्जतिभागे । तत्थ णं बहवे जोइसिया देवा परिवसंति, तं जहा - बहस्सती चंदा सूरा सुक्का सणिच्छरा राहू धूमकेऊ बुहा अंगारगा तत्ततवणिज्जकणगवण्णा, जे य गहा जोइसम्मि चारं चरंति केतू य गइरइया अट्ठावीसतिविहाय नक्खत्तदेवयगणा, णाणासंठाणसंठियाओ य पंचवण्णाओ तारयाओ, ठितलेस्सा चारिणो अविस्साममंडलगई १५ पैंत्तेयणामंक पागडियचिंधमउडा महिड्डिया जाव (सु. १८८) पभासेमाणा । ते णं तत्थ साणं साणं विमाणावाससतसहस्साणं साणं साणं सामाणियसाहस्सीणं साणं साणं अग्गमहिसीणं सपरिवाराणं साणं साणं परिसाणं साणं साणं अणियाणं साणं साणं अणियाधिवतीणं साणं साणं आयरक्खदेवसाहस्सीणं अण्णेसिं च बहूणं जोइसियाणं देवाण य देवीण य आहेवच्चं पोरवच्चं जाव (सु. १८८) विहरति ।
[२] चंदिम-सूरिया यत्थ दुवे जोइसिंदा जोइसियरायाणो परिवसंति महिड्डिया जाव (सु.१८८) पभासेमाणा । ते णं तत्थ साणं साणं जोइसियविमाणावाससतसहस्साणं चउन्हं सामाणियसाहस्सीणं चउन्हं अग्गमहिसीणं सपरिवाराणं तिन्हं परिसाणं सत्तण्हं अणियाणं सत्तण्हं अणियाधिवतीणं सोलसण्हं आयरक्खदेवसाहस्सीणं अण्णेसिं च बहूणं जोइसियाणं देवाण य देवीण य २५ आहेवच्चं पोरेवच्चं जाव विहरंति ।
૬૮
२०
[ सुत्ताई १९६ - २१०. वैमाणियदेवठाणाई ]
१९६. कहि णं भंते! वेमाणियाणं देवाणं पज्जत्ताsपज्जत्ताणं ठाणा
१. 'तलहिलंघमाण जे० ध० मु० पु२ ॥ २. 'पत्थरा सुह' जे० प्र० । ३. पत्तेयसणामंक मलयटीकायाम् ॥
Jain Education International
For Private & Personal Use Only
www.jainelibrary.org
