________________
१६३
३९९] उवकमाणुओगदारे कालप्पमाणदारं ।। पणगजीवस्स सरीरोगाहणाओ असंखेजगुणा। ते' णं वालग्गा णो अग्गी डहेजा, नो वातो हरेज्जा, णो कुच्छेज्जा, णो पलिविद्धंसेज्जा, णो पूइत्ताए हव्वमागच्छेजा। जे णं तस्स पलस्स आगासपदेसा तेहिं वालग्गेहिं अप्फुन्ना वा अणप्फुण्णा वा तओ णं समए २ गते एगमेगं आगासपदेसं अवहाय । जावइएणं कालेणं से पल्ले खीणे नीरए निल्लेवे णिट्टिए भवति। से तं सुहुमे खेत्तपलिओवमे।
५
३९७. तत्थ णं चोदए पण्णवगं एवं वदासी–अत्थि णं तस्स पल्लस्स आगासपएसा जे णं तेहिं वालग्गेहिं अणप्फुण्णा ? हंता अस्थि, जहा को दितो? से जहाणामते कोट्ठए सिया कोहंडाणं भरिए तत्थ णं माउलुंगा पक्खित्ता ते वि माया, तत्थ णं बिल्ला पक्खित्ता ते वि माता, तत्थ णं आमलया १० पक्खित्ता ते वि माया, तत्थ णं बयरा पक्खित्ता ते वि माया, तत्थ णं चणगा पक्खित्ता ते वि माया, तत्थ णं मुग्गा पक्खित्ता ते वि माया, तत्थ णं सरिसवा पक्खित्ता ते वि माता, तत्थ णं गंगावालुया पक्खित्ता सा वि माता, एवामेव एएणं दिटुंतेणं अत्थि णं तस्स पल्लस्स आगासपएसा जे णं तेहिं वालग्गेहिं अणप्फुण्णा।
एएसिं पल्लाणं कोडाकोडी हवेज दसगुणिया। तं सुहुमस्स खेत्तसागरोवमस्स एगस्स भवे परीमाणं ॥११४ ॥
३९८. एतेहिं सुंहुमेहिं खेतपलिओवम-सागरोवमहिं किं पओयणं ? एतेहिं सुहुमेहिं पलिओवम-सागरोवमेहिं दिट्ठिवाए दव्वाइं मविनंति ।
३९९. कइविधा णं भंते ! दवा पण्णता ? गो० ! दुविहीं पण्णता। २० तं जहा-जीवदव्वा य अजीवदव्वा य ।
१. ते णो वि अग्गी डहेजा जाव नो पूतित्ताते हव्व सं० ॥ २. °जा जाव हव्व संवा० ॥ ३. खीणे जाव णिट्रिए सं० ॥ ४. ३९७. एवंवयंतं पण्णवर्ग चोयए एवं वयासी संवा० ॥ ५. मते मंचे सिया खं० जे० वा०॥ ६. णं गुम्मा पक्खि खं०॥ ७. माया; एवं बिल्ला आमलगा बयरा चणगा [मुग्गा] सरिसवा गंगावालुया पक्खि संवा० वी० ॥ ८. माया, एवमेव संवा० ॥ ९. तं सुहुमखेत्तसागरस्स उ एगस्स संवा० वी० ॥ १०. सुहुमखेत्त संवा० ॥ ११. वमेहिं दिट्रिवाए संवा० वी०॥ १२. हा दव्या पन्न संवा० ॥
Jain Education International
For Private & Personal Use Only
www.jainelibrary.org
