________________
१०
पाईणायरियविरइया 437. कम्मण-वसिकरणुच्चाडणेहिं जोगेहिं मंत-तंतेहिं ।
साइणि-जोइणि-मुग्गय-भूयाईनिग्गहेहिं तहा ॥ ४३७ ॥ 438. विजय-निमित्त-जोइस-कोउयकम्माइएहिं जे जीवा ।
दुहिया विहिया इण्हि तेसु य सव्वेसु समभावो ॥ ४३८ ॥ 439. जलजत्ताईमहयारंभेसुं थूलकम्मदाणेसुं ।
जे वट्टतेण मए जीवा वहिया तए खामे ॥ ४३९ ॥ 440. जे जाणमजाणं वा राग-दोसेहिं अहव मोहेणं ।
जं दुक्खविया जीवा खमंतु ते मज्झ सव्वे वि ॥ ४४०॥ 441. मणसा वा वयसा वा कारण व इहभवे य इयरे वा ।
संघट्टिया व परिताविया व उद्दाविया वा वि ॥४४१॥ 442. हसिया व तजिया वा अवमाणिय जे व दूमिया व मणे ।
कोहेण व माणेण व मायाए अहव लोभेणं ॥ ४४२॥ 443. हासेण वा भएण व सोएण व दुट्टकम्मयाए वा ।
आलस्सेण य सहसागौरेणं तह अणाभोगा ॥४४३॥ 444. ते मे खमंत सव्वे अहमवि तेसिं खमामि अवराहं ।
मिती भावमुवगओ वेरपबंधेण य विमुक्को ॥ ४४४॥ 445. तह रज्जतलारत्तं गुत्तीपालत्तणं अमञ्चत्तं ।
लहिउं अईयकाले किं किं न कयं जियाण मए १ ॥४४५॥ 446. रणभूमिहया केई, केई ऊसासिया य सेहविया ।
आहेडयम्मि वहिया, अन्ने य गहाविया दिव्वं ॥ ४४६॥ 447. दुव्वयणिया य केई, कुंभीपाएण पाइया अन्ने ।
गुत्तीसु केई छूढा, जणमझे धरिसिया अन्ने ॥ ४४७॥ 448. केई हडीसु खित्ता, अन्ने सूलासु रोविया, अवरे ।
पीलाविया य जंते, पमदिया कडगमद्देण ॥ ४४८॥
१. वा निब्भच्छिय जे A. विना ॥ २. गारेण अगत्थनाए वा ॥ B. F. ॥
Jain Education International
For Private & Personal Use Only
www.jainelibrary.org
