________________
३९
१. आराहणापडाया 425. नरभावं लहिऊणं आसवपणएंण तह कसाएंहिं ।
मिच्छेण तिदंडेहिं जं रइयं तं तिहा निंदे ॥ ४२५॥ 426. अमणुन्न-मणुन्नेसुं सद्देसुं सोयकरणसत्तेण ।
राग-दोसा जं कम्ममज्जियं तमिह निंदामि ॥ ४२६॥ 427. रागो दोसो य कओ इट्ठाणिद्वेसु जो य रूवेसु ।
चक्खिदियमूढेणं सो मे तिविहेण वोसिरिओ ॥ ४२७॥ 428. घाणगढिएण पूयस-कत्थूरिमिगाइए य जे सत्ते ।
मण-वइ-काएहिं पुरा वहिए व वहाविए खामे ॥ ४२८॥ 429. भवभयमगणंतेणं रसणिदियमुच्छिएण जे वहिया ।
मच्छ-मिगाई जीवा मण-वइ-काएहिं ते खामे ॥ ४२९॥ 430. फासिंदियवसगेणं जमज्जियं पावकम्म मे तइया ।
परजुवइविलोयणसंगएण सव्वं तयं निंदे ॥ ४३०॥ 431. धम्मत्थं जे वहिया जीवा जन्नेसु मिच्छभावेण ।
तह अन्नाणवसेण व जे निहयाँ ते वि खामेमि ॥ ४३१ ॥ 432. परवसणे जो हरिसो अब्भक्खाणं तु जं मए दिन्नं ।
पेसुन्नं जं च कयं परस्स जा वंचणा विहिया ॥४३२॥ 433. वीसत्थमारणं जं बाल-त्थी-ऽणाह-गब्भ-रिसिघायं ।
जं च कयं मूढेणं तमहं गरिहामि निस्सेसं ॥४३३॥ 434. जं जाओ दुहहेऊ देसेसु अणारिएसु जीवाणं ।
परलोगनिप्पिवासो तं पि य गरिहामि भावेणं ॥ ४३४॥ 435. खट्टिग-मच्छिय-वागुरिय-डुंब-मिच्छासु पावजाईसु ।
जाएण जिएँ वहिए आरियखित्ते वि खामेमि ॥ ४३५॥ 436. वणदाह गामदाहं जणवयदाहं सराऽऽइसोसं च ।
काउमणेगे वहिया जे जीवा ते खमावेमि ॥ ४३६॥ १. एहिं तह C.॥ २. °एणं D. ॥ ३. गाइय जीवा A. विना ॥ ४. °या ते खमावेमि D.॥ ५. बालित्थी प्रत्यन्तरे ॥ ६. °मि तिविहेणं प्रत्यन्तरे ॥ ७. जिआ वहिया आरि° F. ॥ ८. ते वि खामेमि प्रत्यन्तरे ॥
Jain Education International
For Private & Personal Use Only
www.jainelibrary.org
