________________
३४
पाईणायरियविरइया 366. मूलय- सूयरि-वल्ला अलं सव्वा वि कंदजाई य ।
अल्लहलिद्दा सूरणकंदो तह वज्जकंदो य ॥३६६ ॥ 367. गजरि कुमारि थोहरि वंसकरिल्ला य लूणय गलोई ।
लसुणं लोढा खिल्लहुड किसलपत्ताइं गिरिकन्नी ॥ ३६७॥ 368. भूमिरुहा विरुहाई खरिंसुया टक्क वत्थुलो पढमो।
वणपत्ताइं विराली सत्तावरि कोमलंबिलिया ॥३६८॥ 369. अल्लकचूरो आलू पल्लंकाई तहेव पिंडालू ।
थेगऽलमुत्थ लोणय रुक्खच्छल्ली अमयवल्ली ॥३६९॥ 370. एए अन्ने वि मए जीवा साहारणा उ जे निहया ।
ते सव्वे खामेमी अह पत्तेए खमावेमि ॥ ३७० ॥ 371. धव-खइर-पलासा निंब-जंबु-सहकार-तिणिस नग्गीहा ।
साल-तमाल-असोगा चंपय-पुन्नागसंताणा ॥ ३७१ ॥ 372. इय पत्तेयतरूणं अणेगभेयाण जमिह दुदु कयं ।
सहसा अन्नाणेण व कारणओ वा तयं खामे ॥ ३७२ ।। 373. संख-कवड्डय-गंडोल-अलस-आसंग-अक्ख-सिप्पा उ।
गड्डुर-मेहर-ईयल-वालय-किमिया य वंतरिया ॥ ३७३ ॥ 374. पूयर-जलोयपमुहा जीवा बेइंदिया मए जे य ।
वहिया उद्दविया वा तिविहेणं ते खमावेमि ॥ ३७४ ॥ 375. कीडी चूडयलाओ कुंथू उद्देहिगा य धिम्महिला ।
इल्ली मंकुण जूया खुडही लूया य गद्दहिया ॥ ३७५ ॥ 376. कन्नसियाली पिसुया गोगीडा छगण-धन्नकीडा य ।
जे तेइंदियसत्ता वहिया खामेमि ते सव्वे ॥ ३७६ ॥ 377. विच्च-कोलिय-मसगा मक्खी कुत्ती य चंचडा दंसा ।
भमरा भमरी तिड्डा सलभ-पतंगा य खजोया ॥३७७॥
१. सूरिय A. विना॥ २. सणप° D.॥ ३. पल्लंकायं त° A. || ४. गडर-ईयल-वालय बहुविह किमिया A. ॥ ५. विच्छू-को° C. D. E. F. । विछू-को° B. ॥
Jain Education International
For Private & Personal Use Only
www.jainelibrary.org
