________________
पाईणायरियविरइया 319. पडिबोहो भव्वाणं अउव्वसत्थावगाहणं सययं ।
सेहाइयाण परिपाढणं च अगिलाणयाए य ॥३१९॥ 320. सिद्धंतवायणाए गहणं तह गाहणं च सिस्साणं ।
निम्माणमउव्वाणं सुपसत्थाणं च सत्थाणं ॥ ३२०॥ 321. वित्तीणं चुन्नीणं करणं कयपुव्वसूरिगंथाणं ।
सम्मत्त-सव्वविरईए देसविरईए आरोवो ॥ ३२१ ॥ 322. नियमाऽभिग्गहगहणं सयं परेहिं गहावणं विहिणा ।
परिगहपमाणकरणं सभंगयं सड्ढ-सड्ढीणं ॥ ३२२॥ 323. पडिमारोवो तेसिं तहेव आलोयणापयाणं च ।
निप्फायणं च विणओवयारनिउणाण सिस्साणं ॥ ३२३॥ 324. आयरियाणं उवझाययाण समहत्तराण पयठवणं ।
थेर-ऽभिसेय-पवत्तिण गणवच्छीणं च णेगाणं ॥ ३२४ ॥ 325. नवकप्पेहि विहरो समत्तवत्थूसु अपडिबंधत्तं ।
उद्देसियाइयाणं चागं तेवन्नठाणाणं ॥३२५॥ 326. तह बारसण्ह करणं सभितरबाहिराण य तवाणं ।
__आयारपंचगस्स य तहेव परिपालणा परमा ॥ ३२६॥ 327. मलधारणमवणीए सयणं, वासो य गुरुकुलम्मि सया ।
निस्संगया य निप्पडिकम्मत्तं जयण सयकालं ॥ ३२७॥ 328. उग्गपरीसहसंहणं, पमाणउववेयवेससंघरणं ।
बायालीसेसणदोसवज्जियं पिंडगहणं च ॥ ३२८॥ 329. केसुद्धरणं दुसहं, इंदियगामस्स जं वसीकरणं ।
पंचण्ह वि अट्टण्ह वि परिहारो वि य पमायाणं ॥३२९॥ 330. उम्मग्गनिवारणयं सम्मग्गट्ठावणं च भव्वाणं ।
एमाई जं विहियं अणुमोए हं तमप्पहियं ।। ३३०॥
१. अज्झावयाण D. । उवझावयाण F. । उज्झाययाण B. C. E. ॥ २. निम्ममया तह निप्प A. विना ॥ ३. °सहणा C. F.॥
Jain Education International
For Private & Personal Use Only
www.jainelibrary.org
