________________
१. आराहणापडाया 331. आयरियाण मुणीण वि एसा सुकडाणुमोयणा भणिया ।
नवरं पुण नाणत्तं सूरीणं पंचहिं पएहिं ॥३३१ ॥ 332. अह सावगो वि कोई धन्नो आराहणं कुणेमाणो ।
सुकडाणुमोयणेणं अप्पाणं भावए एवं ॥ ३३२॥ 333. धन्नो हं जेण मए मिच्छत्तं तिविहओ वि परिचत्तं ।
संपत्तं सम्मत्तं अचिंतचिंतामणिसमाणं ॥ ३३३॥ 334. लद्धो सिरिजिणधम्मो रम्मो तिजए वि दलियदुक्कम्मो ।
वारियपावपवेसो सुणिओ सुगुरूणं उवएसो ॥ ३३४॥ 335. विन्नाया निस्सेसा जीवाजीवाइतत्तयविसेसा ।
विहिया य तित्थजता गुरुजत्ता तह य रहजत्ता ॥३३५॥ 336. कारावियाई चेश्यहराइं पवराई सिरिजिणिंदाणं ।
मणहरपडिमा तेसु य पइट्ठिया तिजयपुज्जाओ ॥ ३३६ ॥ 337. विहिया य संघपूया असई पडिलाभिया महामुणिणो ।
साहम्मियवच्छलं बहुसो वि कयं तह महलं ॥ ३३७ ॥ 338. सुपसत्थपुत्थयाई, तहा अणेगा य पुत्थियाओ य ।
मए भराविय विहिया सुयनाणपवा बहुजणाणं ॥ ३३८॥ 339. नवबिंबाण पवेसो सपुत्थयाणं कराविओ बहुसो ।
तिकालमचणाई सिरिजिणबिंबाण विहियाइं ॥ ३३९ ॥ 340. पडिबोहो भव्वाणं, सुसाहु-सुगुरूण पज्जुवासणया ।
फुलंकाण पयाणं पव्वजाभिमुहसड्डाणं ॥ ३४० ॥ 341. नियऽवच्चाईयाणं पव्वजाए विसज्जणं तह य ।
पव्वजउच्छवाणं करावणं वरविभूईए ॥ ३४१॥ 342. रइओ जिण्णुद्धारो, पोसहसालाण तह य कारवणं ।
परिगहपमाणगहणं, विहिया उचियाँइदाणविही ॥ ३४२॥
१. °णमुव B. C. D. E. ॥ २. °वणं परमभू' A. विना ॥ ३. °या य दा C.॥
Jain Education International
For Private & Personal Use Only
www.jainelibrary.org
