________________
१. आराहणापडाया
307. सामइय-पोसहाई अणुव्वयाइं जिणंद विहिपूयं । एक्कारपडिमपभिई अणुमन्ने सड्ढ - सड्ढीणं ॥ ३०७ ॥ 308. जिणजम्माइसु ऊसवकरणं तह महरिसीण पारणए । जिणसासणम्मि भत्तीपमुहं देवाण अणुमन्ने ॥ ३०८ ॥ 309. तिरियाण देसविरइं पज्जंताराहणं च अणुमोए । सम्मदंसणलंभं अणुमन्ने नारयाणं पि ॥ ३०९ ॥ 310. सेसाणं जीवाणं दाणरुइत्तं सहावविणियत्तं ।
तह पयणुकसायत्तं परोवगारित भव्वत्तं ॥ ३१० ॥ 311. दक्खिन्न - दयालुत्तं पियभासित्ताइविविहगुणनिवहं ।
सिवमग्गकारणं जं तं सव्वं अणुमयं मज्झ ॥ ३११ ॥ 312. इय परकयसुकयाणं बहूणमणुमोयणा कया एवं ।
अह नियसुचरियनियरं सरेमि संवेगरंगेणं ॥ ३१२ ॥ 313. धन्नो मि जेण पत्ता तिन्नि य सन्नाण - दंसण - चरित्ता | परिपालना य विहिया सम्मं चरणस्स करणस्स ॥ ३१३ ॥ 314. आयरिय वायगाणं वायणसूरीण थेर- सेहाणं ।
खवगाण गिलाणाणं वेयावच्चं कथं जं च ॥ ३१४ ॥ 315. समिईणं गुत्तीणं सत्तरसविहस्स संजमस्स मए ।
परिपालणं च विहियं नवगुत्तिसणाहबंभस्स ॥ ३१५ ॥ 316. सत्तण्ह मंडलीणं करणं, गहणं चउण्ह कालाणं ।
सज्झायरस विहाणं विणयम्मी जं समाहाणं ॥ ३१६ ॥ 317. कालियसुयस्स गुणणं, अंगाऽणंगसुयजोगवहणं जं ।
अणहिय- अहीणकरणं पडिलेहाऽऽवस्सयाईणं ॥ ३१७॥ 318. तह चक्कवालदसविहसामायारीए पालणं सययं । सिरिधम्मदेसणाए वक्खाणस्स य विहाणाई || ३१८ ॥
१. वयं च जं च कथं A. विना ॥। २. 'लणयं वि° C ॥ ३. यहीयणक A
Jain Education International
For Private & Personal Use Only
२९
www.jainelibrary.org
