________________
पाईणायरियविरइया 274. आसि कुदेव-कुगुरुणो कुमग्गदेसण-कुधम्मकहणाई।
तित्थुच्छेय-कुतित्थयनिम्माणाई अमाणाइं ॥ २७४ ॥ 275. नाणाइमग्गलोवो जो को विकओ, तहा कुतत्ताई ।
जाई परूवियाई ताई सव्वाई गरिहामि ॥ २७५ ॥ 276. जोइस-विज्जयसत्थाण सउणसत्थाण कामसत्थाणं ।
वत्थूविज्जाईणं तह धणुविजाइयाणं पि ॥ २७६॥ 277. लक्खण-छंदो-ऽलंकार-भरहनाडय-पमाण-नीईणं ।
एमाइकुसत्थाणं निम्माणं तमिह गरिहामि ॥ २७७॥ 278. जिण-सूरि-वायगाणं संघस्स य जं कया मयाऽवन्ना ।
सत्तण धम्मकज्जं जं न कयं तं पि गारिहामि ॥ २७८॥ 279. जिणभवणपाडणं बिंबभंजणं तह य बिंबगालणयं ।
बिंब-कलसाइ-पुत्थयविक्किणणं जं च कह वि कैयं ॥ २७९ ॥ 280. चेइय-गुरुगयदव्वं उविक्खियं भक्खियं च मूढेणं ।
आयाणाणं जं लोवणं च विहियं तयं निंदे ॥ २८०॥ 281. अणायरो कओ जो य पमाओ अविही य ।
धम्मस्सुप्पाइया खिंसा, उस्सुत्तं च परूवियं ॥ २८१ ॥ 282. चरित्ते दसणे नाणे अइयारो य जो कओ।
नालोइओ य मूढेणं पायच्छित्तं च नो कयं ॥ २८२ ॥ 283. सव्वहा वितहायारं सरामि न सरामि जं ।
निंदामि तमहं पावं, तस्स मिच्छा मि दुक्कडं ॥ २८३॥ 284. हरि-कॅरि-करहा वसहा नरनिवहा जुवइ-दविण-गेहाई
आभरण-वत्थमाई अहिगरणकरा मए चत्ता ॥ २८४॥ 285. तह गामाऽऽगर-नगराऽऽसम-पट्टण-खेड-कब्बड-मडंबा ।
दोणमुह-सन्निवेसा निगमा य सरायहाणीया ॥ २८५॥
१. तं पिग° F ॥२. संतेण D. ॥३. कयं ॥ २७९ ॥ जिणदव्वं गुरुदव्वं उवि A. विना॥ ४. हय-करि° D. ॥ ५. करि-वसहा करहा नर° F. ॥ ६. "हाई A. ॥
Jain Education International
www.jainelibrary.org
For Private & Personal Use Only
