________________
१. आराहणापडाया 263. इय साहुसरणचंदणरसेण निव्वाविऊण अप्पाणं ।
पकरेइ धम्मसरणं धरणीयलमिलियभालयलो ॥ २६३ ॥ 264. जो निवडते सत्ते भवंधकूवम्मि पावकम्मवसा ।
धारेइ, जिणाभिहिओ सो धम्मो हुज सरणं मे ॥ २६४ ॥ 265. अन्नाणतिमिरसूरो, विसयकसायग्गिसमणजलपूरो ।
दुग्गइदुहमुसुमूरो सिर्वपयकप्पडुमंकूरो ॥ २६५ ॥ 266. विणय-अहिंसामूलो, विवेग-सम-दाण-सच्चअणुकूलो ।
पंचमहव्वय-ऽणुव्वयचूलो, पासंडिपडिकूलो ॥ २६६॥ 267. तित्थयर-गणहरत्ताइणेगवरलद्धिवियरणे सज्जो ।
कम्मट्ठवाहिविज्जो, तियसाऽसुरविंदनमणिज्जो ॥२६७॥ 268. संसारऽण्णवपवहण-सिवपहसत्थाह-महनिहाणसमो ।
चिंतामणि-कामगवी-कप्पटुम-भद्दकुंभुवमो ॥ २६८॥ 269. निहयजर-मरण-जम्मो, जिणमग्गपवन्नदिन्नसिर्वसम्मो ।
देसियधम्माऽधम्मो, मयणसरपहारवरवम्मो ॥ २६९ ॥ 270. निम्महियपावकम्मो, जीवाइपयत्थपयडणे रम्मो ।
निंदियअहम्मकम्मो, लहुकम्मजियाण अभिगम्मो ॥ २७० ॥ 271. निन्नासियमिच्छत्तो, पयडीकयदेव-धम्म-गुरुतत्तो। सरणं मे जयवित्तो, धम्मो तित्थयरपन्नत्तो ॥२७१ ॥ चउसरणदारं १७॥
[गा. २७२-३००. अट्ठारसमं दुक्कडगरिहादारं] 272. इय चउसरणमणग्धं काउं भवतिक्खदुक्खसंतत्तो ।
दुग्गइदुवारफरिहं दुक्कडगरिहं करे इण्हि ॥ २७२ ॥ 273. अन्नाणंधेण मए मइमलहंतेण कहवि जिणसमए ।
इत्थभवे अन्नेसु य भवेसु जे केइ संठविया ॥ २७३॥ १. °वफलक A. विना ॥ २. संजो। महनिजामय-महसत्यवाह-महगोव-महनिहाणसमो B. C. ॥ ३. °वधम्मो E. ॥ ४. जयवंतो A. विना ॥ ५. चतुःशरणद्वारम् १७ ॥ सर्वासु प्रतिषु ॥ ६. °वदुक्खलक्खसं° A. विना ॥ ७. घारफलिहं C. E. । 'वारि फरिहं D.॥
Jain Education International
For Private & Personal Use Only
www.jainelibrary.org
