________________
१२
पाईणायरियविरइया 114. वजसु सुहसीलतं सय-परपक्खे तहा विरोहं च ।
वायं असमाहिकरं विसऽग्गिभूए कसाए य ॥ ११४॥ 115. अप्पपसंसं चयसू , परपरिवायं च मा करिज्जा हि ।
सज्झाए आउत्तो गच्छम्मि य वच्छलो होहि ॥११५॥ 116. पालिजसु गणमेयं अप्पडिबद्धो य हुन्ज सव्वत्थ ।।
एसो हु परंपरओ, तुम पि अंते कुणसु एवं ॥११६॥ 117. संखित्ता वि य पव(१ मु)हे जह वड्ढइ वित्थरेण पवहंती ।
उदहितेण वरनई तह सीलगुणेहिं वड्ढाहि ॥११७॥ 118. मजाररसियसरिसोवमं तुम मा हु काहिसि विहारं ।
मा नासेहिसि दुन्नि वि अप्पाणं चैव गच्छं च ॥११८॥ 119. परिवडढमाणसड्ढो जिणआणाए करिज निस्सेसं ।
सयमकरितो नियमा न ठविसि अन्नं, इमं नायं ॥ ११९ ॥ 120. जो सगिहं तु पलित्तं अलसो न वि विज्झवे पमाएणं ।
सो किह सद्दहियव्वो परघरडाहप्पसमणम्मि? ॥१२०॥ 121. नाणम्मि दंसणम्मि य तवे चरित्ते य समणसारम्मि ।
न चएइ जो ठवेउं गणमप्पाणं, न गणधारी ॥ १२१ ॥ 122. नाणम्मि दंसणम्मि य चरणम्मि य तीसु समयसारेसु ।
चोएइ जो ठवेउं गणमप्पाणं स गणहारी ॥१२२॥ 123. पिंडं उवहिं सिजं उग्गम-उप्पायणेसणाईहिं ।
चारित्तरक्खणट्ठा सोहिंतो होइ सचरित्ती ॥१२३॥ 124. एसो सव्वसमासो, तह घत्तह जह हविज भुवणम्मि ।
तुझं गुणेहि जणिया सव्वत्थ वि विस्सुया कित्ती ॥ १२४॥ 125. एवं गणवइमणुसासिऊण गच्छं सबालवुडं पि ।
निद्धाए दिट्ठीए आलोएऊण अप्पाहे ॥१२५॥ 126. काहामि गच्छवसभा! पजंताराहणं इयाणिं तु ।
तुम्हाण पालणकए पइडिओ एस गणहारी ॥१२६ ॥
Jain Education International
For Private & Personal Use Only
www.jainelibrary.org
