________________
१. आराहणापडाया [गा. १०३-४४. तेरसमं गणनिसग्गदारं] 103. आराहणं करितो जइ आयरिओ हविज तो तेण ।
नाऊण आउकालं चिंतेयव्वं नियमणम्मि ॥१०३॥ 104. अणुपालिओ य दीहो परियाओ, वायणा मए दिन्ना ।
निप्फाइया य सीसा, इण्हि साहेमि अप्पाणं ॥१०४॥ 105. अब्बोच्छित्तिनिमित्तं ताहे गच्छाणुपालणत्थं च ।
नाउं अत्तगुणसमं ठावेई गणहरं धीरो ॥१०५॥ 106. गणहरगुणसंपन्नं वामे पासम्मि ठावइत्ताणं ।
चुन्नाई छुहइ सीसे सचित्ताई य अणुजाणे ॥१०६॥ 107. ठावेऊण गणहरं आमंतेऊण तो गणं सयलं ।
खामे सबालवुड्ढं पुव्वविरुद्धे विसेसेण ॥१०७॥ 108. जं दीहकालसंवासयाए मैमिकार-नेहरागेण ।
कडुय फरुसं व भणिया बला वि काराविया आणं ॥१०८॥ 109. अन्नं पि जं पमाया न सुटु मे वैट्टियं मए पुट्विं ।
तं भे खामेमि अहं निस्सल्लो निक्कसाओ य ॥१०९॥ 110. आणंदमंसुपायं कुणमाणा ते वि भूमिगयसीसा ।
धम्मायरियं निययं सव्वे खामेति तिविहेणं ॥११०॥ 111. अह सो धम्मायरिओ करुणाऽमयसायरो नियगणस्स ।
चिंतंतो कल्लाणं उत्तरकाले जिणाणाए ॥१११॥ 112. निद्धं महुरं गहिरं गाहगपल्हायणिज्ज पत्थं च ।
___ अणुसद्धिं देइ तहिं गणाहिवइणो गणस्स वि य ॥ ११२॥ 113. गणसंगहुवग्गह रक्खणे तुमं मा हु काहिसि पमायं ।
वड्ढंतओ विहारो कायव्वो चरण-करणेसु ॥११३॥
१. ममकार° D. F. ॥ २. चिट्टियं A. D. विना ॥ ३. 'आनन्दाश्रुपातम्' इत्यर्थः, अत्र मकारोऽलाक्षणिकः ॥ ४. गुहिरं c. D. F.॥
Jain Education International
For Private & Personal Use Only
www.jainelibrary.org
