________________
१. आराहणापडाया 127. परिपालिया मए जह पुट्विं, इण्हि तु गणहरो एस ।
तह पालिस्सइ तुब्भं मेढी आलंबणं जेण ॥१२७॥ 128. तुब्भेहिं तु न एसो संसाराडविमहाकडिल्लम्मि ।
मुक्खपुरसत्थवाहो जत्तेण खणं पि मोत्तव्यो ॥ १२८॥ 129. न य पडिकूलेयव्वं वयणं एयस्स सुगुणरासिस्स ।
एव गिहवासचाओ जं सहलो होइ तुम्हाणं ॥१२९॥ 130. इहरा परमगुरूणं आणाभंगो निसेविओ होइ ।
विहला य हुंति तम्मी नियमा इहलोय-परलोया ॥१३० ॥ 131. ता कुलवहुनाएणं कजे निब्मच्छिएहि वि कहिंचि ।
एयस्स पायमूलं आमरणंतं न मोत्तव्वं ॥१३१॥ 132. कहमवि पमायओ जइ आणाभंग करिस्सह इमस्स ।
तो एसो न खमिस्सइ, खमंतओ जह अहं पुट्विं ॥१३२ ॥ 133. ओमो समरायणिओ अप्पतरसुओ ति माय णं तुब्भे ।।
परिभवह, एस तुम्ह वि विसेसओ संपयं पुज्जो ॥१३३॥ 134. तह होह अप्पमत्ता पंचसु समिईसु तिसु य गुत्तीसु ।
आवस्सएसु संजम-तवोवहाणेसु विविहेसु ॥१३४ ॥ 135. सुस्सूसगा गुरुणं, चेइयभत्ता य विणयजुत्ता य ।
अचासायणविरया गुरुवयणे वच्छला भवह ॥ १३५ ॥ 136. तह चक्कवालसामायरियाए अणुदिणं पि जइयव्वं ।
न पमाओ कायव्वो पडिलेहाईसु जोगेसु ॥१३६॥ 137. एस अखंडियसीलो बहुस्सुओ य अपरोपतावी य ।
चरणगुणसुट्ठिओ त्ति य, कित्ती धन्नाण भमइ जए ॥ १३७॥ 138. बाढं ति भाणिऊणं एयं णे मंगलं ति य गणो से ।
गुरुगुणगणं सरंतो आणंदंसूणि पाडेइ ॥१३८ ॥
१. सु सम्वेसु F. ॥ २. अक्खलियसी F.॥
Jain Education International
For Private & Personal Use Only
www.jainelibrary.org
