________________
४. आराहणापणगं
2445. निसि दियह पदोसे वा सिद्धा मज्झण्ह - गोसकाले वा । कालविवक्खासिद्धा सव्वे वंदामिं तिविहेणं ॥ २६१ ॥ 2446. जोव्वणसिद्धा बाला थेरा तह मज्झिमा य जे सिद्धा । दीवऽन्नदीवसिद्धा सव्वे तिविहेण वंदामि ॥ २६२॥ 2447. दिव्वावहारसिद्धा समुहसिद्धा गिरीसु जे सिद्धा ।
जे केइ भावसिद्धा सव्वे तिविद्देण वंदामि ॥ २६३ ॥ 2448. जे जत्थ केइ सिद्धा काले खेत्ते य दव्वभावे वा । ते सव्वे वंदे हं सिद्धे तिविहेण करणेणं ॥ २६४॥ 2449. सिद्धाण नमोक्कारो जइ लब्भई उवठिए मरणकाले ।
ता होइ सुगइमग्गो अन्ने सिद्धिं पि पावेंति ॥ २६५ ॥ 2450. सिद्धाण नमोक्कारो जइ कीरइ भावओ असंगेहिं ।
रुंभइ कुगईमग्गं सग्गं सिद्धिं च पावेइ ॥ २६६ ॥ 2451. सिद्धाण नमोक्कारं तम्हा सव्वायरेण काहामि ।
छेतूण मोहजालं सिद्धिपुरिं जेण पावेमि ॥ २६७ ॥ 2452. पणमामि गणहराणं जिणवयणं जेहिं सुत्तबंधणं । बंधेऊण तह कयं पत्तं अम्हारिसा जाव ॥ २६८ ॥ 2453. चोद्दसपुव्वीण नमो, आयरियाणं तहूणपुव्वीणं ।
वायगवसभाण नमो नमो य एक्कारसंगीणं ॥ २६९॥ 2454. आयारधराण नमो धारिज्जइ जेहिं पवयणं सयलं ।
नाणधराणं ताणं आयरियणं पणिवयामि ॥ २७० ॥ 2455. नाणायारधराणं दंसण-चरणे विसुद्धभावाणं ।
तव-विरियधराण नमो आयरियणं सुधीराणं ॥ २७१ ॥ 2456. जिणवयणं दिप्पंतं दीवंति पुणो पुणो ससत्तीए । पवयणपभासयाणं आयरियाणं पणिवयामि ।। २७२ ॥
१. मि भावेणं ॥ मुकु० प्रत्य० ॥ २. इ आगए म° मुकु० प्रत्य० ॥ ३ गं सययं सि खे० ॥ ४. भेत्तूण खे० ॥ ५. 'याणं नमो ताणं ॥ खे० ॥ ६. 'याणं नमो ताणं ॥ खे० ॥
Jain Education International
२१७
For Private & Personal Use Only
www.jainelibrary.org
