________________
२१६
सिरिउज्जोयणसूरिविरइयकुवलयमालाकहाअंतग्गयं
2432. तित्थयरीओ तित्थंकरे य सामे य कसिणगोरे य । मुत्ताहल - पउमा सव्वे तिविहेण वंदामि ॥ २४८ ॥ 2433. उज्झियरज्जे अहवा कुमारए दारसंगहसणाहे ।
सावचे निरवच्चे सव्वे तिविहेण वंदामि ॥ २४९ ॥ 2434. भव्वाण भवसमुद्दे निबुड्डुमाणाण तरणकजम्मि ।
तित्थं जेहिं कयमिणं तित्थयराणं नमो ताणं ॥ २५० ॥ 2435. तित्थयराण पणामो जीवं तारेइ दुक्खजलहीओ ।
तम्हा पणमह सव्वायरेण ते चेय तित्थयरे ।। २५१ ॥ 2436. लोगगुरूणं ताणं तित्थयराणं च सव्वदरिसीणं ।
सव्वण्णूणं ताणं नमो नमो सव्वभावेणं ॥ २५२ ॥ 2437. अरहंतनमोक्कारो जइ कीरइ भावओ इह जणेणं ।
ता होइ सिद्धिमग्गो भवे भवे बोहिलाभाय ॥ २५३ ॥ 2438. अरहंतनमोक्कारो तम्हा चिंतेमि सव्वभावेणं ।
दुक्खसहस्सविमोक्खं अह मोक्खं जेण पावेमि ॥ २५४ ॥ 2439. सिद्धाण णमोक्कारो करेमु भावेण कम्मसुद्धाणं । भवसयस हस्सबद्धं धंतं कम्मिंधणं जेहिं ॥ २५५ ॥ 2440. सिज्झति जे वि संपइ सिद्धा सिज्झिसु कम्मखययाए । ताणं सव्वाण नमो तिविहेणं करणजोएणं ॥ २५६ ॥ 2441. जे केइ तित्थसिद्धा अतित्थसिद्धा व एक्कसिद्धा वा । अहवा अणेगसिद्धा ते सव्वे भावओ वंदे ॥ २५७ ॥ 2442. जे वि य सलिंगसिद्धा गिहिलिंगे कह वि जे कुलिंगे वा । तित्थयरसिद्धसिद्धा सामण्णा जे वि ते वंदे ॥ २५८ ॥
2443. इत्थीलिंगे सिद्धा पुरिसेण णपुंसएण जे सिद्धा । पत्तेयबुद्ध सिद्धा बुद्ध-सयंबुद्धसिद्धाय ।। २५९ ॥
2444. जे वि निसन्ना सिद्धा अहव निवण्णा ठिया व उस्सग्गे । उत्ताणय-पासेला सव्वे वंदामि तिविहेणं ॥ २६० ॥
Jain Education International
For Private & Personal Use Only
www.jainelibrary.org
