________________
२१२ सिरिउज्जोयणसूरिविरइयकुवलयमालाकहाभंतग्गयं 2389. सो पत्थि कोइ जीवो जयम्मि सयलम्मि एत्थ रे जीव ! ।
जो जो तए ण खइओ, सो वि हु तुमए भमंतेणं ॥ २०५॥ 2390. सो णत्थि कोइ जीवो जयम्मि सयलम्मि तुह भमंतस्स ।
ण य आसि कोइ बंधू तुह जीव ! ण जस्स तं बहुसो ॥ २०६॥ 2391. सो पत्थि कोइ जीवो जयम्मि सयलम्मि सुणसु ता जीव ! ।
जो णासि तुज्झ मित्तं सत्तू वा तुज्झं नो आसि ॥ २०७॥ 2392. जे पेच्छसि आगासे धरणीए वणे णई तलाए वा।
ते जाण मए सव्वे सयहुत्तं भक्खिया आसि ॥ २०८॥ 2393. जं जं पेच्छसि एवं पोग्गलरूवं जयम्मि रे जीव !।
तं तं तुमए भुत्तं अणंतसो तं च एएण ॥२०९॥ 2394. तं णत्थि किं पि ठाणं चोदसरज्जुम्मि एत्थ लोगम्मि ।
जत्थ ण जाओ ण मओ अणंतसो, मुणसु रे जीव !॥ २१०॥ 2395. गोसे मज्झण्हे वा पओसकालम्मि अहव राईए ।
सो पत्थि कोइ कालो जाओ य मओ य णो जम्मि ॥ २११॥ 2396. जाओ जलम्मि, निहओ थलम्मि, थलवढिओ जले निहओ ।
ते णत्थि जलथले वा जाओ य मओ य णो जत्थ ॥ २१२॥ 2397. जाओ धरणीए तुम निहओ गयणम्मि निवडिओ धरणिं ।
गयण-धरणीण मज्झे जाओ य मओ य तं जीय ! ॥२१३॥ 2398. जीवम्मि तुमं जाओ निहओ जीवेण पालिओ जीवे ।
जीवेण य जीवंतो जीयत्थं भक्खिओ जीव ! ॥ २१४॥ 2399. जीवेण य तं जाओ, जीवावियओ य तं च जीवेणं ।
संवढिओ जिएणं, जीवेहि य मारिओ बहुसो ॥२१५॥ 2400. ता जत्थ जत्थ जाओ सचित्ता-ऽच्चित्त-मीसजोणीसु ।
ता तत्थ तत्थ मरणं तुमए रे पावियं जीव ! ॥२१६॥ १. जस जो णासि मुकु. प्रत्य० ॥ २. सि धरणिहरे धरणि व्व वणं गई मुकु० प्रत्य० ॥ ३. तसो दड्ढ रे खे०॥ ४. जत्थ ॥ खे०॥ ५. वा जम्मण-मरणाइं नो जत्थ खे०॥ ६. पाडिओ मुकु. प्रत्य० ॥ ७. °यत्थे लुप्पसे जीय! मुकु० प्रत्य० ॥
Jain Education International
For Private & Personal Use Only
www.jainelibrary.org
