________________
३. पज्जंताराहणा 1999. सिद्धतवायणाए गहणं तह गाहणं च सिस्साणं ।
निम्माणमउव्वाणं सुयसत्थाणं पसत्थाणं ॥७८॥ 2000. वित्तीणं चुन्नीणं करणं कयपुव्वसूरिंगंथाणं ।
सम्मत्त-सव्वविरईए देसविरईए आरोवो ॥७९॥ 2001. नियमाऽभिग्गहगहणं सयं, परेहिं गहावणं विहिणा ।
परिगहपमाणगहणं सभंगयं सङ्क-सड़ीणं ॥ ८॥ 2002. पडिमारोवो तेसिं तहेव आलोयणापयाणं च ।
निप्फायणं च विणओवयारनिउणाण सिस्साणं ॥ ८१ ॥ 2003. आयरियाण उवज्झाययाण समहत्तराण पयठवणं ।
थेर-ऽभिसेय-पवत्तिणि-गणवच्छेयाण व गणीणं ॥ ८२॥ 2004. नवकप्पो य विहारो, समत्थवत्थूण अपडिबंधत्तं ।
उद्देसियाइयाणं चागं तहऽणेसणिज्जाणं ॥ ८३॥ 2005. तह बारसहा करणं सभितर-बाहिराण य तवाणं ।
आयारपंचगस्स य तहेव परिपालणा परमा ॥ ८४॥ 2006. मलधारणमवणीए सयणं वासो य गुरुकुलम्मि सया ।
निस्संगया य निप्पडिकम्मत्तं जयण सयकालं ॥८५॥ 2007. उग्गपरीसहसहणं पमाणओ वा वि वेससंधरणं ।
बायालीसेसणदोसवज्जियं पिंडगहणं च ॥८६॥ 2008. केसुद्धरणं दुसहं, इंदियगामस्स जं वसीकरणं ।
पंचन्ह वि अट्ठन्ह वि परिहारो वि य पमायाणं ॥८७॥ 2009. उम्मग्गनिवारणयं सुमग्गपट्ठावणं च भव्वाणं ।
एमाई जं विहियं अणुमोए हं तमप्पहियं ।। ८८॥ 2010. आयरियाण मुणीण वि एसा सुकडाणुमोयणा भणिया ।
नवरं पुण नाणतं सूरीणं पंचहिं पएहिं ॥ ८९॥ 2011. अह सावगो वि कोई धन्नो आराहणं च कुणमाणो।
सुकडाणुमोयणेणं अप्पाणं भावए एवं ॥९॥
Jain Education International
For Private & Personal Use Only
www.jainelibrary.org
