________________
१७८
'आराहणासार 'अवरणामा
2012. धन्नो हं जेण मए मिच्छत्तं तिविहओ वि परिचत्तं । संपत्तं सम्मत्तं अर्चितचिंतामणिसमाणं ॥ ९१ ॥ 2013. लद्धो सिरिजिणधम्मो रम्मो तिजए वि दलियदुक्कम्मो । वारियपावपवेसो सुणिओ सुगुरूण उवएसो ॥ ९२ ॥ 2014. विन्नाओ निस्सेसो जीवाऽजीवाइतत्तयविसेसो ।
विहिया य तित्थजत्ता गुरुजत्ता तह य रहजत्ता ॥ ९३ ॥ 2015. कारावियाई चेइयहराई पवराई सिरिजिणंदाणं ।
महरपडिमा तेसु य पट्टिया तिजयपुज्जाओ ॥ ९४ ॥ 2016. विहिया य संघपूया असयं पडिलाभिया महामुणिणो । साहम्मियवच्छलं बहुसो वि कथं तह महलं ॥ ९५ ॥ 2017 सुपसत्थपुत्थयाइं तहा अणेगाओ पुत्थियाओ य ।
महाविय विहिया सुयणाणपवा बुहजणाणं ॥ ९६ ॥ 2018. नवबिंबाण पवेसो सपुत्थयाणं कराविओ बहुसो ।
तिक्कालमचणाइं सिरिजिणबिंबाण विहियाई ॥ ९७ ॥ 2019. पडिबोहो भव्वाणं, सुसाहु-सुगुरुण पज्जुवासणया । फुलंकाण पयाणं पव्वज्जाभिमुहसड्ढाणं ॥ ९८ ॥ 2020. नियय अवञ्चाईणं पव्वज्जाए विसजणं तह य । पव्वज्जउच्छवाणं करावणं वरविभूईए ॥ ९९ ॥ 2021. रइओ जिष्णुद्धारो, पोसहसालाण तह य कारवणं । साहम्मियसम्माणं, विहिया उचियाइदाणविही ॥ १०० ॥ 2022. भद्दाईण तवाणं करणं सिद्धंतसत्यवत्ताणं ।
उज्जावणं च तेर्सि तह जिणवरलक्खपूयाओ ॥ १०१ ॥ 2023. सिरिवच्छ-तिलय-मउडाइयाणि परिमाण आभरणगाणि । विहियाई, तहाऽऽजम्मं सामाइयमुभयसंझं पि ॥ १०२ ॥ 2024 पव्वे पोसहाई दीण - अणाहाण दुत्थियजणाणं । उद्धरणं, तह धम्मियजणम्मि बहुमाणकरणाई ॥ १०३ ॥
Jain Education International
For Private & Personal Use Only
www.jainelibrary.org
