________________
१७६
'आराहणासार 'अवरणामा 1986. सामइय-पोसहाई अणुव्वयाई जिणिंदविहिपूयं ।
इक्कारपडिमपभिई अणुमन्ने सड्ढ-सड्ढीणं ॥६५॥ 1987. जिणजम्माइसु ऊसवकरणं तह महरिसीण पारणए । .
जिणसासणम्मि भत्ती पमुहं देवाणमणुमन्ने ॥६६॥ 1988. तिरियाण देसविरई पजंताराहणं च अणुमोए ।
सम्मईसणलंभं अणुमन्ने णारयाणं पि ॥ ६७॥ 1989. सेसाणं जीवाणं दाणरुइत्तं सहावविणयत्तं ।
तह पयणुकसायत्तं परोवयारित्त भव्वत्तं ॥ ६८॥ 1990. दक्खिन्न दयालुत्तं पियभासित्ताइविविहगुणनिवहं ।
सिवमग्गकारणं जं तं सव्वं अणुमयं मज्झ ॥ ६९॥ 1991. इय परकयसुकयाणं बहूणमणुमोयणा कया एवं ।
अह नियसुचरियनियरं सरेमि संवेगरंगेणं ॥ ७० ॥ 1992. धम्मो जिणपन्नत्तो तिन्नि य सन्नाण-दंसण-चरित्ता ।
परिपालणाइ विहिया सम्मं चरणस्स करणस्स ॥ ७१ ॥ 1993. आयरिय-बायगाणं वायणसूरीण थेर-सेहाणं ।
खवगाण गिलाणाणं वेयावचं कयं जं च ॥ ७२ ॥ 1994. समिईणं गुत्तीणं सतरसविहसंजमस्स किं पि मए।
परिपालणं च विहियं नवगुत्तिसणाहबंभस्स ॥७३॥ 1995. सत्तण्ह मंडलाणं करणं गहणं चउण्ह कालाणं ।
सज्झायस्स विहाणं विणयम्मि य जं समाहाणं ॥७४॥ 1996. कालियसुयस्स गुणणं अंगाणमुवंगजोगवहणं जं ।
अणहिय-अहीणकरणं पडिलेहाऽऽवस्सयाईणं ॥ ७५ ॥ 1997. तह चक्कवालदसविहसामायारीई पालणं सययं ।
सिरिधम्मदेसणाए वक्खाणस्स य विहाणाइ ॥ ७६ ॥ 1998. पडिबोहो भव्वाणं अउव्वसत्थावगाहणं सययं ।
सेहाइयाण परिपाढणं च अगिलाणयाए य ॥ ७७॥
Jain Education International
For Private & Personal Use Only
www.jainelibrary.org
