________________
२. आराहणापडाया
1703. कयनयणामयवुद्धिं दहुं सुरसुंदरीण मुहयंदं ।
हा ! दच्छं नारीणं मय-नियडिथुडुंकियं वयणं ॥ ७७१ ॥ 1704. रमिउं सुररमणीओ सोमालसुगंधबंधुरंगीओ ।
नारी पगलंतासुइघडीसरिच्छं कह रमिस्सं ? || ७७२ ॥ 1705. दुग्गंध मणुयतणुपरिमलाओ दूरं पुरा पलायंतो ।
तं नरदेहं पूइं पत्तो कत्तो पाइस्सं ? || ७७३ ॥ 1706. न कयं दीणुद्धरणं, न कयं धम्मियजणम्मि वच्छलं ।
हिययम्मि वीयराओ न धारिओ, हारिओ जम्मो ॥ ७७४ ॥ 1707. न कया य मए महिमा जिणकल्लाणेसु सुकयकल्लाणी । न य मंदर - नंदीसरमाईसु न सिद्धकूडेसु ।। ७७५ ॥ 1708 विसय विसमुच्छिएणं मोहतमंधेण वीयरागाणं ।
वयणामयं न पीयं सुहबीयं हा ! मुहा णीयं || ७७६ ॥ 1709. वलइ व जलइ व चलइ व हिययं पीलिज्जई व भिज्जइ व ।
चिंतिय सुरविहवसिरिं घट्ट व तड त्ति फुट्ट व ॥ ७७७ ॥ 1710. भवणं भवणाओ, वणं वणाओ, सयणाओ सयणमल्लियइ । तत्त सिलायलघोलिरमच्छो व्व रई न पावेइ || ७७८ ॥ 1711 तं भमियं तं रमियं तं हसियं तं पियाहिं सह वसियं ।
हा ! कत्थ पुणो दच्छं ? इति पलवं झत्ति विज्झाणो ॥ ७७९ ॥ 1712 इय चवणसमयभयविहुरविबुहविरसं दसं निएऊणं ।
मुत्तुं धम्मं धीराण किं व हिययम्मि संठाउ ? ॥ ७८० ॥ 1713 एयमणंतं दुक्खं चउगइगहणे परव्वसं सोढुं ।
तत्तो अनंतभागं सहसु इमं सम्ममप्पवसो || ७८१ ॥ 1714. तण्हा अणतखुत्तो संसारे तारिसी तुमं आसी ।
जंपसमेउं सव्वोदहीणमुदयं न तीरिजा || ७८२ ॥ 1715. आसी अनंतखुत्तो संसारे ते खुहा वि तारिसिया । जं पसमेउं सव्वो पुग्गलकाओ वि न तरिजा ॥ ७८३ ॥
Jain Education International
For Private & Personal Use Only
ર
www.jainelibrary.org
