________________
१४८
सिरिवीरभदायरियविरड्या 1690. नरएसु वेयणाओ सी-उण्हकयाओ बहुवियप्पाओ।
कायनिमित्तं पत्तो अणंतखुत्तो सुतिक्खाओ ॥ ७५८॥ 1691. जइ को वि मेरुमित्तं अयपिंडं पक्खिविज नरयम्मि ।
उण्हे भूमिमपत्तो निमिसेण तओ विलीएजा ॥ ७५९॥ 1692. तह चेव तप्पमाणो पजलिओ सीयनरयपक्खित्तो।
सीए भूमिमपत्तो निमिसेण सडेज लोडंडो ॥७६०॥ 1693. जं सूल-क्ख(?कू)डसामलि-वेयरणि-कलंबवालुयाऽसिवणे ।
नरए लोहंगारे खाविनंतो दुहं पत्तो ॥७६१॥ 1694. भजिययं पिव जं भन्जिओ सि, जं गालिओ सि रसयं व ।
जं कप्पिओ सि वल्रयं व, चुण्णं व चुण्णिकओ ॥ ७६२॥ 1695. जलिओ तत्तकवल्लीहिं जं च कुंटीहिं कुट्टिओ जं च ।
भिण्णो भल्लीहिं, फलेहिं फालिओ तं विचिंतेसु ॥ ७६३ ॥ 1696. तिरिएसु छुहा-तण्हुण्ह-सीय-सूलंकुसंक-दमणकयं ।
वह-बंध-मरणजणियं धणियं चिंतेसु तं दुक्खं ॥७६४॥ 1697. पियविरहे अप्पियसंगमे य मणुयत्तणम्मि जं दुक्खं ।
धणहरण-दारधरिसण-दारिदोवद्दवकयं च ॥७६५॥ 1698. खंडण-मुंडण-ताडण-जर-रोग-विओग-सोग-संतावं ।
सारीर माणसं तदुभयं च सम्मं विचिंतेसु ॥ ७६६॥ 1699. आणाऽभिओय-परिभव-ईसा-ऽमरिसाइ माणसं दुक्खं ।
देवेसु चवणचिंता-विओगविहुरस्स चिंतेसु ॥ ७६७॥ अवि य1700. सहसा परियाणियचवणचिंध धीरो सुरो विचिंतेइ ।
विरहाउलतरलच्छो तममरलच्छि नियच्छितो ॥७६८॥ 1701. वसिउं निचुज्जोए सुरलोए सुरहिपरिमलऽग्धविए ।
वसियव्वं गन्भघरे दुग्गंधमहंधयारम्मि ॥ ७६९॥ 1702. वसियव्वं पूइपुरीस-रुहिर-रसमसुइनिभरे गम्भे ।
संकुडियंगोवंगो नीहं कह कडिकुडिच्छाओ ? ॥ ७७० ॥
www.jainelibrary.org
For Private & Personal Use Only
Jain Education International
