________________
१४०
सिरिवीरभदायरियविरइया 1590. सीउण्ह वाय वरिसं तण्हं उण्हं छुहं पिवासं च ।
दुस्सिज्जं दुभत्तं सहइ य वहई य गुरुभारं ॥ ६५८॥ 1591. गायइ वायइ नच्चइ कंखइ विलवेइ मलइ असुई पि ।
तुण्णेइ विणइ जायइ कुलम्मि जाओ वि गंथत्थी ॥ ६५९ ॥ 1592. एवं चिटुंतस्स वि संसइओ होइ अत्थलाहो से ।
न य संचीयइ अत्थो सुचिरेण वि मंदभागस्स ॥ ६६०॥ 1593. जइ पुण कहंचि संचियमेही अत्थो तहा वि से नत्थि ।
तित्ती गंथेहिं सया, लाहे लोहो पवडूइ जं ॥ ६६१॥ 1594. जह इंधणेण अग्गी, जह य समुद्दो नईसहस्सेहिं ।
तह जीवस्स न तित्ती अत्थि तिलोए वि लद्धम्मि ॥ ६६२॥ 1595. आहम्मइ मारिज्जइ रुंभइ भिज्जइ य निरवराहो वि।
आमिसहत्थो खत्थो खन्नइ पक्खीहिं जह पक्खी ॥ ६६३॥ 1596. माया-पिति-पुत्तेसु वि दारेसु वि नेय जाइ वीसंभं ।
गंथनिमित्तं जग्गइ रक्खंतो सव्वरत्तिं पि ॥ ६६४ ॥ 1597. सोयइ विलवइ कंदइ नढे गंथम्भि होइ य विसण्णो।
पव्वाइ निवाइजइ वेवइ उक्कंठिओ होइ ॥ ६६५॥ 1598. अंतोमु(१ हु)तं डज्झइ पुरिसो नढे सयम्मि अत्थम्मि ।
उम्मत्तो होइ नरो गगहिओ खित्तचित्तो वा ॥६६६ ॥ 1599. इंदियमयं सरीरं गिण्हइ गंथं च देहसुक्खत्थं ।
इंदियसुहाभिलासो गंथग्गहणे तओ सिद्धो ॥ ६६७ ॥ 1600. गंथेसु घडियहियओ होइ दरिदो भवेसु बहुएसु ।
गंथनिमित्तं कम्मं किलिट्ठहियो समाइयइ ॥ ६६८॥ 1601. एतेसिं दोसाणं मुच्चइ गंथं परिचयं पुरिसो।
तविवरीए य गुणे पावइ न य पावइ किलेसं ॥ ६६९॥ 1602. गंथचाओ इंदियनिवारणं अंकुसो व्व हत्थिस्स ।
नयरस्स खाइया इव इंदियगुत्ती असंगत्तं ।। ६७० ॥
Jain Education International
For Private & Personal Use Only
www.jainelibrary.org
