________________
१३२
२. आराहणापडाया
१३९ 1577. विसयजलं मोहकलं विलास-बिब्बोयजलयराइण्णं ।
मयमयरं उत्तिण्णा तारुण्णमहण्णवं धीरा ॥ ६४५॥ [बंभचेरं] ॥ 1578. अभितर बाहिरए सव्वे गंथे तुमं विवज्जेहि ।
कय-कारिय-ऽणुमईहिं काय-मणो-वयणजोगेहिं ॥ ६४६॥ 1579. मिच्छत्तं १ वेयतिगं ४ जाणसु हासाइछक्कमिक्किकं १० ।
कोहादीण चउक्कं १४ चोदस अभितरा गंथा ॥ ६४७॥ 1580. बाहिरगंथा खित्तं १ वत्थु २ धण३-धण्ण४-कुप्प५-रुप्पाणि ६ ।
दुपय७-चउप्पय८-मप्पय९-सयणा-ऽऽसणमाइ जाणाहि ॥ ६४८॥ 1581. जह कुंडओ न सक्का सोहेउं तंदुलस्स सतुसस्स।
तह जीवस्स न सक्का कम्ममलं संगसत्तस्स ॥ ६४९॥ 1582. जइया राग-दोसा गारव-सण्णाओ तह उदीरिजा ।
तइया गंथे चित्तुं लुद्धो बुद्धिं नरो कुणइ ॥ ६५० ॥ 1583. चेलाइसव्वसंगच्चाओ पढमो उ जेण ठियकप्पो ।
आचेलकं भणिओ जिणेहिं तह पढम-चरिमेहिं ॥ ६५१ ॥ 1584. न य होइ संजओ वत्थमित्तचाएण सेससंगेहिं ।
तम्हा आचेलकं चाओ सव्वेसि संगाणं ॥ ६५२॥ 1585. संगनिमित्तं मारेइ, भणइ अलियं, करेइ चोरिक्कं ।
सेवइ मेहुण, मुच्छं च अपरिमाणं कुणइ जीवो ॥ ६५३॥ 1586. सण्णा-गारव-पेसुण्ण-कलह-फरसाणि भंडण-विवाया ।
संगनिमित्तं ईसा-ऽसूया-सल्लाणि जायंति ॥ ६५४ ॥ 1587. गंथो भयं नराणं, सहोयरा एलगच्छया जं ते ।
अण्णोण्णं मारेउं अत्थनिमित्तं मतिमकासी ॥ ६५५ ॥ 1588. अत्यानिमित्तमतिभयं जायं चोराण एक्कमिक्केहिं ।
मज्जे मंसे य विसं संजोइय मारिया जं ते ॥ ६५६ ॥ 1589, संगो महाभयं जं विहेडिओ सावएण संतेण ।
पुत्तेण हिए अत्थम्मि मणिवईकुंचिएण जहा ॥ ६५७ ॥
Jain Education International
For Private & Personal Use Only
www.jainelibrary.org
