________________
१२४
सिरिवीरभदायरियविरइया 1386. मा कासि तं पमायं सम्मत्ते सव्वदुक्खनासणए ।
सम्मत्तपविट्ठाइं नाणं-तव-विरिय-चरणाइं ॥ ४५४ ॥ 1387. नगरस्स जह दुवारं, मुहस्स चक्, तरुस्स जह मूलं ।
तह जाणसु सम्मत्तं नाण-चरण-वीरिय-तवाणं ॥ ४५५॥ 1388. भावाणुराय-पेम्माणुराय-मज्जाणुरायरत्तो य ।।
धम्माणुरायरत्तो य होसु जिणसासणे निचं ॥ ४५६ ॥ 1389. दंसणभट्ठो भट्ठो, न हु भट्ठो होइ चरणपन्भट्ठो ।
दंसणममुयंतस्स उ परिवडणं नत्थि संसारे ॥ ४५७॥ 1390. दंसणभट्ठो भट्ठो दंसणभट्ठस्स नत्थि निव्वाणं ।
सिझंति चरणभट्ठा दंसणभट्ठा न सिझंति ॥ ४५८॥ 1391. सुद्धे सम्मत्ते अविरओ वि अन्जेइ तित्थयरनामं ।
जह आगमेसिभद्दा हरिकुलपहु-सेणिया जाया ॥४५९॥ 1392. कल्लाणपरंपरयं लहंति जीवा विसुद्धसम्मत्ता ।
सम्मईसणरयणं नऽग्घइ ससुराऽसुरो लोओ ॥४६० ॥ 1393. तेलोक्कस्स पहुत्तं लभ्रूण वि परिवडंति कालेणं ।
सम्मत्तं पुण लड़े अक्खयसुक्खं लहइ मुक्खं २ ॥ ४६१ ॥ 1394. अरहंत-सिद्ध-चेइय-पवयण-आयरिय-सव्वसाहूसु ।
तित्थंकरेसु भत्तिं निवितिगिच्छेण भावेणं ॥ ४६२ ॥ 1395. एगा वि सा समत्था जिणभत्ती दग्गइं निवारेउं ।
दुलहाणि लहावेउं आसिद्धिपरंपरसुहाई ॥ ४६३ ॥ 1396. विजा वि भत्तिमंतस्स सिद्धिमुवयाति होइ फलदा य ।
किं पुण निव्वुइविजा सिज्झिहिति अभत्तिमंतस्स ? ॥ ४६४॥ 1397. तेसिं आराहणनायगाण न करिज जो नरो भत्तिं ।
धंतं पि संजमंतो सालिं सो ऊसरे ववइ ॥ ४६५॥ 1398. बीएण विणा सस्सं इच्छइ सो वासमभएण विणा ।
__ आराहणमिच्छंतो आराहयभत्तिमकरितो ॥४६६॥
Jain Education International
For Private & Personal Use Only
www.jainelibrary.org
