________________
२. आराहणापडाया
[गा. ४४२-७१७. समाहिलाभदारस्स पढमं अणुसट्ठिपडिदारं ]
1374 निज्जमया आयरिया संथारगयस्स दिंति अणुसट्ठि । संवेयं निव्वेयं जणयंता कन्नजावं से || ४४२ ॥ 1375. नीसलो कयसोही छिण्णममत्तो सए वि देहम्मि । इणमो कुणसु पसत्थं च भावसंलेहणमियाणिं ॥ ४४३ ॥ 1376. मिच्छत्तस्स य वमणं १, सम्मत्ते भावणा २, परा भत्ती ३ | पंचनमुक्काररई ४, नाणुवउत्तो सया होहि ५ ॥ ४४४ ॥ 1377 पंचमहव्वयरक्खा ६, कोहचउक्कस्स निग्गहो परमो ७ । दुर्तिदियविजओ ८, दुविहतवे उज्जमं कुणसु ९ ॥ ४४५ ॥ 1378. संसारमूलबीयं मिच्छत्तं सव्वा विवज्जेहि ।
सम्मत्ते दढचित्तो होसु, नमुक्कारकुसलो य ॥ ४४६ ॥ 1379 मयतिहियाओ उदयं मण्णंति नरा जहा सतण्हाए । सब्भूयमसब्भूयं तहेव मिच्छत्तमूढमणा ॥ ४४७ ॥ 1380. इच्छइ असंतमत्थं भक्खियंधत्तूरओ जहा पुरिसो ।
मिच्छत्तमोहिअमणो तह धम्माऽधम्ममाईसु ॥ ४४८ ॥ 1381. मिच्छत्तभावणाए अणादिकालेण मोहिओ जीवो ।
लद्धे वि खओवसमा सम्मत्ते दुक्करं रमइ || ४४९ ॥ न वि तं करेइ अग्गी नेय विसं नेय किण्हसप्पो वि । जं कुणइ महादोसं तिव्वं जीवस्स मिच्छत्तं ॥ ४५० ॥ 1383. मिच्छत्तसल्लविद्धा तिव्वाओ वेयणाओ पाविंति ।
विसलित्त कंटविद्धा जह पुरिसा निप्पडीयारा ॥ ४५१ ॥ 1384. अच्छीणि संघसिरिणो मिच्छत्तनिकायणेण पडियाइं ।
कालगओ चिय संतो जाओ सो दीहसंसारी ॥ ४५२ ॥ 1385. कडुयम्मि अणिव्वलियम्मि दोद्धिए कडुयमेव जह खीरं । तह मिच्छत्तकडुइए जीवे तव - नाग - चरणाणि १ ॥ ४५३ ॥ १. धुत्तू सं० १ विना ।।
1382.
Jain Education International
For Private & Personal Use Only
१२३
www.jainelibrary.org
