________________
पाईणायरियविरइया 903. अरहंताणं तु नमो, नमोऽत्थु सिद्धाण, तह य सूरीणं ।
उवझायाणं च नमो, नमोऽत्थु सव्वेसि साहूणं ॥ ९०३॥ 904. इय पंचनमोकारो पावाण पणासणो असेसाणं ।
तो सेसं चइऊणं सो गज्झो मरणकालम्मि ॥ ९०४ ॥ 905. अरहाइनमोक्कारो जीवं मोएइ भवसहस्साओ।
भावेण कीरमाणो होइ पुणो बोहिलाभाए ॥९०५॥ 906. पंचनवकारमंतो हिययम्मि पइट्टिओ हवइ जस्स ।
मोहपिसाओ न जिणेई तं नरं, तरइ य भवोहं ॥९०६॥ 907. पंचनमोकारवरत्थसंगओ अणसणाऽऽवरणजुत्तो।
वयकरिवरखंधगओ मरणरणे होइ दुजेओ ॥ ९०७॥ 908. एसो परमो मंतो, एसो सारो दुवालसंगस्स।
एवं नेयं झेयं कल्लाणं मंगलं पत्थं ॥ ९०८॥ 909. उच्चारिउँमसमत्थो सुणिज्ज निजामएण भन्नंतं ।
संवेगभावियप्पा जा चरिमुस्सास-निस्सासं ॥९०९॥ 910. इय झायंतो खवओ जइया परिहीणवाइओ होज्जा ।
आराहणाए तइया इमाणि लिंगाणि दंसेइ ॥ ९१०॥ 911. हुंकारंजलि-भमुहंगुलीहिं दिट्ठीहिं करपयारेहिं ।
सिरचालणेण य तहा सन्नं दाएइ सो खवओ ॥९११ ॥ 912. तो निजामयगुरुणो खवगं आराहणाए उवउत्तं । जाणंति सुयरहस्सा कयसन्नागा य खवएण ॥ ९१२॥ नवकारदारं ३१॥
[गा. ९१३-२५. बत्तीसइमं आराहणाफलदारं] 913. ऍवं तु भावियप्पा पसत्थझाणो विसुद्धलेसागो।
आराहणापडागं हरइ अविग्घेण सो खवओ ॥ ९१३॥ 1. नमोक्कार° A. ॥ २. °इ, दुत्तरं तरह F. ॥ ३. पच्छं A. विना ॥ ४. रियम' C. E. ॥ ५. सिरवा A. विना ॥ ६. नमस्कारद्वारम्३१ ॥ सर्वासु प्रतिषु ।। ७. एवं सुभा A. विना॥
Jain Education International
For Private & Personal Use Only
www.jainelibrary.org
