________________
१. आराहणापडाया 892. जह कवचेण अभिजेण कवचिओ रणमुहम्मि सत्तूणं ।
जायइ अलंघणिज्जो, कम्मसमत्थो य जिणइ अरी ॥ ८९२॥ 893. एवं खवओ कवचेणुवगहिओ तह परिस्सहरिऊणं ।
जायइ अलंघणिजो झाणसमत्थो य जिणइ जई॥८९३॥ कवयदारं ३०॥
[गा. ८९४-९१२. इगतीसइमं नवकारदारं] 894. एवं अहियासितो सम्म खवओ परीसहे एए।
सव्वत्थ अपडिबद्धो उवेइ सव्वत्थ समभावं ॥ ८९४ ॥ 895. समयाए भावियप्पा विहरइ सो जाव वीरियं काए।
उट्ठाणे सयणे वा निसीयणे वा अपरितंतो ॥ ८९५ ॥ 896. आसन्नाऽऽगयमरणो पंचनमोक्कारमायरतरेण ।
गिण्हइ अमोहसत्थं, संगाममुहे वरभडो व्व ॥ ८९६ ॥ 897. मुत्तं पि बारसंगं स एव मरणम्मि कीरए जम्हा।
अरहंत मोक्कारो तम्हा सो बारसंगत्थो ॥ ८९७ ॥ 898. सव्वं पि बारसंगं परिणामविसुद्धिहेउमित्तागं ।
तक्कारणभावाओ किह न तयत्थो नमोकारो ? ॥ ८९८॥ 899. न हु तम्मि देस-काले सक्का बारसविहो सुयक्खंधो ।
सव्वो अणुचिंतेउं धंतं पि समत्थचित्तेणं ॥ ८९९ ॥ 900. नामाइमंगलाणं पढम चिय मंगलं नमोकारो।
अवणेइ वाहि-तक्कर-जलणाइभयाइं सव्वाइं ॥ ९००॥ 901. हेरइ दुहं, कुणइ सुहं, जणइ जसं, सोसए भवसमुदं ।
इहलोय-पारलोइयसुहाण मूलं नमोकारो ॥ ९०१॥ 902. इहलोगम्मि तिदंडी सादिव्वं माउलिंगवणमेव ।
परलोए चंडपिंगल हुंडियजक्खो य दिटुंता ॥९०२॥
१. कवचद्वारम्३० ॥ सर्वासु प्रतिषु ॥ २. 'नमुक्का? A. विना ।। ३. 'नमुक्का A. विना ।। ४. णमित्तामओ A. विना ॥ ५. हणइ F. ॥ पा.६
Jain Education International
For Private & Personal Use Only
www.jainelibrary.org
