________________
पाईणायरियविरइया 879. तण्हा अणंतखुत्तो संसारे तारिसी तुमं आसी।
जं पसमेउं सव्वोदहीणमुदयं न तीरिजा ॥ ८७९ ॥ 880. आसी अणंतखुत्तो संसारे ते छुहा वि तारिसिया।
जं पसमेउं सव्वो पुग्गलकाओ वि न तरिज्जा ।। ८८० ॥ 881. जइ तारिसिया तण्डा छुहा य अवसेण सा तए सोढा ।
धम्मो ति इमा सवसेण कहं सोढुं न तीरिज १ ॥ ८८१॥ 882.. सुइपाणएण अणुसडिभोयणेण य उवग्गहीएण ।
झाणोसहेण तिव्वा वि वेयणा तीरए सहिउं ॥ ८८२॥ 883. भीओ व अभीओ वा निप्पडिकम्मो व सपडिकम्मो वा ।
मुच्चइ न वेयणाओ जीवो कम्मे उदिन्नम्मि ॥ ८८३ ॥ 884. संलेहणापरिस्सममिमं कयं दुक्करं च सामन्नं ।
मा अप्पसोक्खहेडं तिलोयसारं विणासेहि ॥ ८८४ ॥ 885. तम्हा कलेवरकुडी पव्वोढव्व ति निम्ममो दुक्खं ।
कम्मफलमविक्खंतो विसहसु निव्वेयणो चेव ॥ ८८५ ॥ 886. इय पन्नविजमाणो तो पुव्वं जायसंकिलेसाओ।
विणियंतो तं दुक्खं पस्सइ परदेहदुक्खं व ॥ ८८६ ॥ 887. रायाइमहिडीयागमणपओगेण वा वि माणिस्स।
माणजणणेण कवयं कायव्वं तस्स खवयस्स ॥ ८८७॥ 888. इच्चेवमाइ कवयं भणियं उस्सग्गियं जिणमयम्मि ।
अववाइयं पि कवयं आगाढे होइ कायव्वं ॥ ८८८ ॥ 889. हंदी! परीसहचमू जोहेयव्वा मणेण कारणं ।
तो मरणदेस-कालो कवयम्भूओ उ आहारो ॥ ८८९॥ 890. जम्हाऽऽहारेण विणा समाहिकामो न साहइ समाहिं ।
तम्हा समाहिहेउं दायव्वो तस्स आहारो ॥ ८९०॥ 891. सरीरमुझियं जेण को संगो तस्स भोयणे ।
समाहिसंधणाहेउं दिजए सो उ अंतए ॥ ८९१ ॥
Jain Education International
For Private & Personal Use Only
www.jainelibrary.org
