________________
१. आराहणापडाया
914. तेलोकसव्वसारं चउगइसंसारदुक्खनासणयं ।
आराहणं पवन्नो सो भयवं मुक्खसोक्खत्थी ॥ ९१४॥ 915. उक्कोसं आराहणमाराहिय साहु लहइ जहविहिणा।
तेण भवग्गहणेणं सिद्धिं निद्धणियकम्मंसो ॥ ९१५ ॥ 916. तह मज्झिममाराहणमणुपालियऽणुत्तराइसु सुरेसु ।
ईसाणतेसु मुणी पावइ वेमाणियसुरत्तं ॥ ९१६ ॥ 917. आराहणं जहन्नं आराहित्ता मुणी मुणियभावो।।
सोहम्मम्मि महडियदेवत्तं पावए पवरं ॥९१७॥ 918. परमाराहणजुत्तो सुसावओ जाइ अञ्चुयं कप्पं ।
सो चेव जहन्नाए सोहम्मे लहइ देवत्तं ॥ ९१८॥ 919. किं जंपिएण बहुणा ? जो सारो केवलस्स लोयस्स ।
तं अचिरेण लहंती फासित्ताऽऽराहणं सयलं ॥ ९१९ ॥ 920. भोए अणुत्तरे भुंजिऊण देवेसु लहिय सुनरत्तं ।
पाविय अरिहत्तं वा अणुहविउं वा गणहरतं ॥ ९२० ॥ 921. लहिऊण वा मुणीणं आमोसहिमाझ्याओ लद्धीओ।
भुच्चा व चक्कि-बल-वासुदेव-खयरिंदरिद्धीओ ॥ ९२१ ॥ 922. अप्पडिहयसोहग्गं वरलावन्नं सुरूवमिस्सरियं ।
आइजवयण-सुस्सरमिचाइगुणाण संपत्तिं ॥ ९२२॥ 923. सम्मतं चारित्तं चउखंधाऽऽराहणं च लहिऊणं ।
सत्तऽभवग्गहणे अणइक्कमिउं लभे सिद्धिं ॥ ९२३ ॥ 924. जत्थ न जरा, न मरणं, न रोग-सोगा, न चैव दारिदं ।
न भयं, न इट्ठजोगो, न विओगो जत्थ कझ्या वि ॥ ९२४ ॥ 925. साइमणंतं कालं तत्थ सिवम्मी गओ विगयबाहो । जीवो सुहिओ चिट्ठइ पजंताऽऽराहणपभावा ॥ ९२५॥
॥ औराहणाफलदारं ३२॥ १. हवियं वा C. E. ।। २. कमिऊण सिझिजा ॥ A. विना ।। ३. आराधनाफलद्वारम् ३२॥ सर्वासु प्रतिषु ॥
Jain Education International
For Private & Personal Use Only
www.jainelibrary.org
