________________
७८
पाईणायरियविरइया 855. ताडण तासण बंधण वाहण लंछण विहेडणं दमणं ।
कन्नच्छेयण नासावेहण निलंछणं चेव ॥ ८५५ ॥ 856. छेयण भेयण डहणं निप्पीडण गालणं छुहा तण्हा।
भक्खण मोडण मलणं विकत्तणं सीय उण्हं च ॥ ८५६॥ 857. जं अत्ताणो निप्पडिकम्मो बहुवेयणऽदिओ पडिओ।
बहुहिं मओ दिवसेहिं तडप्फडतो अणाहो य ॥ ८५७॥ 858. इच्चेवमाइ दुक्खं अणंतखुत्तो तिरिक्खजोणीए।
जं पत्तो सि अईए काले चिंतेहि तं सव्वं ॥ ८५८ ॥ तिर्यग्गतिः॥ 859. मणुयत्तणे वि बहुविहविणिवायसहस्सभेसणघरम्मि ।
कम्मवसा जं दुक्खं पत्तं चिंतेहि तं सव्वं ॥ ८५९ ॥ 860. पियविप्पओगदुक्खं, अणिट्ठसंजोगजं च जं दुक्खं ।
जं माणसं च दुक्खं, दुक्खं सारीरगं जं च ॥ ८६० ॥ 861. परभिचयाए जं ते असम्भवयणेहि कडुय-फरुसेहिं ।
निन्भच्छणा-ऽवमाणण-तज्जणदुक्खाणि पत्ताणि ॥ ८६१ ॥ 862. दीणत्त-रोस-चिंता-सोया-ऽमरिसऽग्गिपउलियमणो जं।
पत्तो घोरं दुक्खं माणुसजोणीए संतेण ॥ ८६२ ॥ 863. दंडण-मुंडण-ताडण-धरिसण-परिसोससंकिलेसो य ।
धणहरण-दारधरिसण-घरडाह-जला हि धणनासो ॥ ८६३ ॥ 864. दंड-कसा-लट्ठिसयाणि टिंकुरा कडगमद्दणं घोरं ।
कुंभीपाओ तत्थ य पलीवणं भत्तवोच्छेओ ॥ ८६४ ॥ 865. सूलारोवण पट्टसगहणं उब्बंधणं हडिक्खेवो ।
छंदयऽसियारणाई काराए चड्डणं विविहं ॥ ८६५ ॥ 866. कन्नुट्ठ-सीस-नासा-जीहा-कर-चरण-वसणछेयणयं ।
अच्छीणं उद्धरणं दंत-ऽट्ठीणं च मंजणयं ॥ ८६६॥
.. 'डणं जं च । A. विना ॥ २. °सग्गि माणसं जं च । A. विना ॥
Jain Education International
For Private & Personal Use Only
www.jainelibrary.org
