________________
७७
१. आराहणापडाया 843. नरएसु वेयणाओ अणोवमाओ असायबहुलाओ।
कायनिमित्तं पत्तो अणंतसो तं बहुविहाओ ॥ ८४३॥ 844. दीहं ससंति, कलुणं भणंति, विरसं रसंति दुक्खत्ता ।
नेरइया अवरोप्पर-सुर-खित्तसमुत्थवियणाहिं ॥ ८४४ ॥ 845. जं नारयाण दुक्खं उक्कत्तण-दहण-छिंदणाईयं ।
तं वरिससहस्सेण वि न भणिज्ज सहस्सवयणो वि ॥ ८४५॥ 846. अच्छिनिमीलणमित्तं नत्थि सुहं दुक्खमेव अणुबद्धं ।
नरए नेरइयाणं अहोनिसं पञ्चमाणाणं ॥ ८४६ ॥ 847. नरयकडयम्मि पत्तो जं रद्धो लोहकंडुएहिं तुमं ।
नेरइएहिं तहिं जं कयत्थिओ पुव्ववेरीहिं ॥ ८४७॥ 848. जं कूडसामलीए दुक्खं पत्तो सि, जं च सूलम्मि ।
जं असिपत्तवणम्मी जं च कयं गिद्ध-कंकेहिं ॥ ८४८॥ 849. नरयपालेहिं वियणं वेयरणीए य पाविओ जं सि ।
जं पाइओ सि खारं कडुयं तत्तं च तउ-तंबं ॥ ८४९ ॥ 850. जं खाविओ सि अवसो लोहंगारे य पज्जलंते य ।
कंडूसु जं सि रद्धो काभल्लीए य जं तलिओ ॥ ८५० ॥ 851. कुट्टाकुदि चुन्नाचुन्निं मोग्गरघणेहिं मुट्ठीहिं ।
जं च सि खंडाखंडीकओ तुमं नरयपालेहिं ॥ ८५१ ॥ 852. पासेहिं जं सि गाढं बद्धो भिन्नो य सिल्ल-भल्लेहिं ।
परसूहि फालिओ, तालिओ य जंतय-मुसंढीहिं ॥८५२॥ 853. जं तत्तलोहपडिमाऽऽलिंगणवियणं तए समणुभूयं ।
नरए अणंतखुत्तो तं अणुचिंतेहि निस्सेस ।। ८५३॥ नरकगतिः॥ 854. तिरियगइमणुप्पत्तो भीममहावेयणाउलमपारं ।
जम्मण-मरणऽरहट्ट अणंतखुत्तो परिगओ जं ॥८५४ ॥
1. कारुल्ली A. विना ॥
Jain Education International
nal
For
For Private & Personal Use Only
www.jainelibrary.org
