Painnay suttai Part 1

SR No.: 001044
Original Sutra Author: N/A
Author: Punyavijay, Amrutlal Bhojak
Publisher: Mahavir Jain Vidyalay
Publication Year: 1984
Total Pages: 689
Language: Prakrit
Classification: Book_Devnagari, Agam, Canon, Ethics, agam_chatusharan, agam_aaturpratyakhyan, agam_mahapratyakhyan, agam_bhaktaparigna, agam_tandulvaicharik, agam_sanstarak, agam_gacchachar, & agam_chandra
File Size: 11 MB

Page 584

४२७
२०. तित्थोगालीपइन्नयं ३७३९. तो ते सुरवरवसभा वयणं सोऊण नेगमेसीणं ।
जाणविमाणारूढा सक्कविमाणे समोसरिया ॥ १९८॥ ३७४०. अह वासवा वि सव्वे उत्तरवेउव्विए करिय रूवे ।
एरावयधवलविसं कयजयसद्दा समारूढा ॥१९९॥ ३७४१. रेहंति दो वि सक्का उत्तरवेउविएहिं रूवेहिं ।
पण्णासं पण्णासं, दससु वि खेत्तेसु एंति दुयं ॥ २०॥ ३७४२. पहयपडुलडहपडहा सलोगपालऽग्गमहिसिपरिवारा ।
संपत्थिया य सुरवइ जिणाण पामूलमभिवंदा ॥२०१॥ ३७४३. संपत्ता य खणेणं सुर-ऽच्छरासंघपरिवुडा तहियं ।
जाया जत्थ जिणिंदा वोच्छिण्णपुणब्भवा गुरुणो ॥२०२॥ ३७४४. पेच्छंति सव्वसका जिणविभवा सागरंतरे दीवे ।
इक्खागवंसजाए सयलजगाणंदणे हत्थं ॥ २०३॥ ३७४५. अह जिणदंसणवियसियमुहकमला वंदिऊण जिणचंदे ।
देवगणसंपरिवुडा इंदा जिणजम्मभवणाणं ॥ २०४॥ ३७४६. अह पासे ठाऊणं भणंति सेणावई पयत्तेणं ।
“जणणीण सगासाओ आणेह जिणे उ विणएणं" ॥२०५॥ ३७४७. तो ते हरिसियमणसा होऊण अहोमुहा जिणवरिंदे ।
घेत्तुं विणीयविणया उवणेति सहस्सनयणाणं ॥ २०६॥ ३७४८. अह ते देवाण पई नयणसहस्सेहिं जिणवरे तइया ।
न वि तिप्पंति नियंता तिहुयणसोहऽब्भहियसोभे ॥२०७॥ ३७४९. तो पणमिउं जिणिंदे इंदा परमेण भत्तिराएण ।
पगया घेत्तूण जिणे पंचऽप्पाणे विउव्वेंति ॥२०८॥ ३७५०. गहियजिणिदो एक्को दो दो पासेसु चामरे हत्थे ।
धवलायवत्तहत्थे एक्के, एक्केऽत्थ वजधरे ॥२०९॥
१. स्वेहि इति ला• विना नास्ति ।