Painnay suttai Part 1

SR No.: 001044
Original Sutra Author: N/A
Author: Punyavijay, Amrutlal Bhojak
Publisher: Mahavir Jain Vidyalay
Publication Year: 1984
Total Pages: 689
Language: Prakrit
Classification: Book_Devnagari, Agam, Canon, Ethics, agam_chatusharan, agam_aaturpratyakhyan, agam_mahapratyakhyan, agam_bhaktaparigna, agam_tandulvaicharik, agam_sanstarak, agam_gacchachar, & agam_chandra
File Size: 11 MB

Page 576

२०. तित्थोगालीपइन्नयं ३६५१. हेमंतबालदिणयरसमप्पभं सुरभिवारिपडिपुण्णं ।
दिव्वं कंचणकलसं पउमपिहाणं तु पेच्छंति ॥११॥ ३६५२. फलिहसरिच्छऽच्छजलं सउणगणनिसेवियं मणभिरामं ।
वियसियपउमसरं तं पेच्छंति हु हरिसियमणाओ ॥ १११ ॥ ३६५३. उम्मीसहस्सपउरं नाणाविहमच्छ-कच्छभाइण्णं ।
गंभीरगजियरवं खीरसमुदं तु पेच्छंति ॥११२॥ ३६५४. वेवलमिरीइकवयं विणिम्मुयंतं समूसियमुदारं ।
पासायं पेच्छंती पडागमालाउलं रम्मं ॥११३॥ ३६५५. मंदरगुहगंभीरं पमुइयपक्कीलियं मणभिरामं ।
नागभवणं महंतं पेच्छंती पीवरसिरीयं ॥ ११४॥ ३६५६. निद्धिंधणपजलियं व हुयवहं नियगभूइसंजुत्तं ।
पेच्छंती रयणचयं किरणावलिरंजियदिसोहं ॥ ११५॥ ३६५७. परिणयकुसुंभसरिसं आहुइपउरं हुयासणं जलियं ।
तणुपवणेरियजालं निभूमपयक्खिणावत्तं ॥११६ ॥ ३६५८. एते चोदस सुमिणे ताओ पेच्छंति वीरजणणीओ।
मरुदेवीपमुहाओ, कहिंसु नियकुलगराणं तु ॥११७॥ ३६५९. तो ते कुलगरनाहा जायातो भणंति सोहणं वयणं ।
" होहिंति तुम्ह पुत्ता कित्तीजुत्ता महासत्ता ॥११८॥ ३६६०. ते वि य अम्हाहिंतो अहिया होहिंति नत्थि संदेहो।
अहवा वि कुलगराण वि विसिट्टतरयं तु जं ठाणं" ॥११९॥ ३६६१. तत्तो य पहायम्मी गयम्मि सूरे जुगंतरं कमसो ।
मिहुणाण ताण पासं सक्कीसाणा गया सहसा ॥१२०॥ ३६६२. तेहि विणएण तो ते सुविणफलं पुच्छिया सुरवरिंदा।
चिंतेउं पिव ईसिं कयंजली सुरवरा भणिया ॥१२१॥ ३६६३. जह “एते साइसया दिट्ठा कल्लाणदसणा सुमिणा ।
होहिंति तुम्ह पुत्ता उत्तमविण्णाणसंजुत्ता ॥१२२॥
२०
____२५