________________
३४४
पइण्णयसुत्तेसु २९५९. खजूरिपत्तमुंजेण जो पमजे उवस्सयं ।
नो दया तस्स जीवेसु, सम्मं जाणाहि गोयमा ! ॥७६॥ २९६०. जत्थ य बाहिरपाणियबिंदूमित्तं पि गिम्हमाईसु ।
तण्हासोसियपाणा मरणे वि मुणी न गिण्हंति ॥ ७७॥ ५ २९६१. इच्छिज्जइ जत्थ सया बीयपएणावि फासुयं उदयं ।
आगमविहिणा निउणं, गोयम ! गच्छं तयं भणियं ॥ ७८॥ २९६२. जत्थ य सूल विसूइय अन्नयरे वा विचित्तमायके ।
उप्पन्ने जलणुज्जालणाइ न करेइ, तं गच्छं ॥ ७९ ॥ २९६३. बीयपएणं सारूविगाइ-साइमाइएहिं च ।
कारिती जयणाए, गोयम ! गच्छं तयं भणियं ॥ ८॥ २९६४. पुप्फाणं बीयाणं तयमाईणं च विविहदव्वाणं ।
__संघट्टण परियावण जत्थ न कुन्जा, तयं गच्छं ॥ ८१॥ २९६५. हासं खेड्डा कंदप्पं नाहियवायं न कीरए जत्थ ।
धावण-डेवण-लंघण-ममकाराऽवण्णउच्चरणं ॥ ८२॥ १५ २९६६. जत्थित्थीकरफरिसं अंतरिय कारणे वि उप्पन्ने ।
दिट्ठीविस-दित्तग्गी-विसं व वजिज्जए गच्छे ॥ ८३॥ २९६७. बालाए वुझाए नत्तुय दुहियाए अहव भइणीए ।
न य कीरइ तणुफरिसं, गोयम ! गच्छं तयं भणियं ॥ ८४॥ २९६८. जत्थित्थीकरफरिसं लिंगी अरिहा वि सयमवि करेजा ।
तं निच्छयओ गोयम ! जाणेज्जा मूलगुणभट्ठ ॥ ८५ ॥ २९६९. कीरइ बीयपएणं सुत्तमभणियं न जत्थ विहिणा उ ।
उप्पन्ने पुण कज्जे दिक्खाआयंकमाईए ॥८६॥ २९७०. मूलगुणेहि विमुक्कं बहुगुणकलियं पि लद्धिसंपण्णं ।
उत्तमकुले वि जायं निद्धाडिजइ, तयं गच्छं ॥ ८७॥ १. बायर जे० ॥ २. पाणस्स बिंदुमि सं०॥ ३. पाणे सं० ॥ ४, करे मुणी, तयं ग° सं० पु०॥ ५. जइ हास खेड्ड कंदप्प नाहवायं सं०॥
Jain Education International
For Private & Personal Use Only
www.jainelibrary.org
