________________
१७. गच्छायारपइण्णय २९२५. निट्ठवियअट्ठमयठाणे संमियकसाए जिंइदिए ।
विहरिज्जा तेण सद्धिं तु छउमत्थेण वि केवली ॥४२॥ २९२६. जे अणहियपरमत्थे गोयमा ! संजए भवे ।
तम्हा ते विवजेज्जा दोग्गईपंथदायगे ॥४३॥ २९२७. गीयत्थस्स वयणेणं विसं हालाहलं पिबे ।
निम्विकप्पो य भक्खेजा तक्खणा जं समुद्दवे ॥४४॥ २९२८. परमत्थओ विसं णो तं, अमयरसायणं खु तं ।।
निविग्धं जं न तं मारे, मओ वि सो अमयस्समो ॥४५॥ २९२९. अंगीयत्थस्स वयणेणं अमयं पि न धुंटए ।
जेण नो तं भवे अमयं, जं अगीयत्थदेसियं ॥ ४६॥ २९३०. परमत्थओ न तं अमयं, विसं हालाहलं खु तं ।
न तेण अजरामरो हुज्जा, तक्खणा निहणं वए ॥४७॥ २९३१. अगीयत्थ-कुसीलेहिं संगं तिविहेण वोसिरे ।
मुक्खमग्गस्सिमे विग्घे, पहम्मी तेणगे जहा ॥४८॥ २९३२. पज्जलियं हुयवहं दऔं निस्संको तत्थ पविसिउं ।
अत्ताणं निदहिज्जाहि, नो कुसीलस्स अलिए ॥४९॥ २९३३. पजलंति जत्थ धगधगधगस्स गुरुणा वि चोइए सीसे ।
राग-दोसेण वि अणुसएण, तं गोयम ! न गच्छं ॥५०॥ २९३४. गच्छो महाणुभावो, तत्थ वसंताण निजरा विउला ।
सारण-वारण-चोयणमाईहिं न दोसपडिवत्ती ॥५१॥ २९३५. गुरुणो छंदणुवित्ती, सुविणीए जियपरीसहे धीरे ।
ण वि थद्धे, ण वि लुद्धे, णं वि गारविए विगहसीले ॥५२॥ २९३६. खते दंते गुत्ते मुत्ते वेरग्गमग्गमल्लीणे ।
दसविहसामायारी-आवस्सग-संजमुज्जुत्ते ॥ ५३॥
१. सुसिय सा० । सोसिय° वृ०॥ २. ता जेऽणधीय सं०॥ ३, अग्गीयस्स सं० पु०॥" .
Jain Education International
For Private & Personal Use Only
www.jainelibrary.org
